Proverbios 23:32 - Tayta Diosninchi Isquirbichishan

³² Nircurnaga culebrapa benënunnömi nanächishunqui, gueshyachishunqui.

Proverbios 23:32 ပူးပေါင်းရင်းမြစ်များ

Job 20:16

Paycunaga culebrapa benënunta micojnömi micurcaycasha. Culebra ullishpanmi wañuchenga.

Salmos 91:13

Liyuncuna caycashanpa, waräcuy caycashanpa, culebracuna caycashanpapis purinquipämi. Chaycunataga lluchcargärinquipämi.

Éxodo 7:12

Paycunapis pampaman tucruncunata jitaycuptin culebracunaman ticracuriran. Aaronpa tucrunpita culebraman ticraj cäga micucurcuran waquin cajcunapata.

Proverbios 20:1

Machacurcorga runacuna alli chölu-tucunmi. Upyacarcärerga quiquin-purami rimanacun. Machashaga manami pipis yarpayninchöchu.

Proverbios 5:11

Chauraga ñacayman chayar, gueshya charishuptiqui llaquicur waganquipaj.

Eclesiastés 10:8

Pipis uchcuta uchcoj cäga chaymanmi yaganga. Pipis curral pergata ojtej cajtaga culebrami cañenga.

Isaías 11:8

Lätaycaj wamranami pucllanga fiyupa benënuyoj culebrapa uchcuncho. Chayraj wasguisha wamrapis maquinta jatenga culebrapa gueshtanman.

Isaías 28:3

Nircur latojpaj lluchcarenga upyallata aroj Efraín runacuna alli-tucushanta, corönanta.

Isaías 59:5

Culebra runtuncunata ogllajnömi paycunaga mana alli rurayllata yarparaycan. Pipis chay runtuta micoj cäga wañongami. Paquiriptenga benënuyoj culebracunallami llojshicaramonga. Paycunaga pachca llicanta awajnömi mana alli ruraycunallata yarparaycan.

Jeremías 5:31

Profëtacuna willacushanpis llullallami. Cüracunapis antöjunmanmi mandarcaycan. ¡Chayno captinpis acrashä runacunaga manami imapis gocunchu! Ichanga jusgasha canayqui junaj chayamuptin gamcuna ¿imataraj ruranqui?»

Jeremías 8:17

Gamcunaman cachamushaj wañuchicoj culebracunatami. Chaycunataga manami pipis manshuyächengapächu. Chay culebracunami cañishunquipaj.» Tayta Diosmi chayno nisha.

Amós 5:19

Chay junäga canga, juc runa liyunpita gueshpiycashancho ösuwan tincupurajnömi. Man'chäga gueshpir wasinman yaycurir pergaman guellicuycojta culebra cañiycushannömi.

Amós 9:3

Carmelo puntaman pacacuptinpis, chaymanpis ashej aywashämi. Nogapita gueshpir lamar yacu rurinman pacacuptinpis, cachashaj lamarcho tiyaj waräcuytami tarircur rachir usharinanpaj.

Romanos 6:21

Chayno mana allicunata rurar ¿imatataj jorgushcanqui? Tantiyacuriptiquega chay rurashayquicuna llapanpis pengaypämi caycan. Chayno cawashayquipitami wañuyman chayanayquipaj caycarayqui.

Efesios 5:18

Ama upyaychu. Machashacunaga pirdicashami goyan. Chaypa ruquenga Espíritu Santu munashanno cushisha caway.