Proverbios 23:28 - Tayta Diosninchi Isquirbichishan

²⁸ Runacunataga suwano sumaj ricapan. Nircur ollgu runacunataga jucta-juctapis pirdisyunman chayachin.

Proverbios 23:28 ပူးပေါင်းရင်းမြစ်များ

Génesis 39:10

Patrunninpa warmenga waran-waranmi Josëta gatiraj «Nogawan cacushun» nishpan. Patrunninpa warmenga munaj ñaupallancho José caycänanta. Ichanga José mana cäsupajchu.

Proverbios 22:14

Majanta ganrachir jananpaj warmiga yanauyaycaj jatuncaray uchcunömi. Runapis Tayta Diosta mana wiyacoj cäga chaymanmi yaganga.

Proverbios 6:26

Guellayllapaj runata chasquej warmiwan cacorga micunanpaj cajtapis runa ushanmi. Majanta ganrachej warmiwan cacurmi ichanga pirdicanna.

Proverbios 7:10

Mañösa warmiga illajpita llojshiriran tincunanpaj jipash tucur, milluycachaycar, guepishtaycachar.

Proverbios 7:12

Chay warmiga cällicunapa, läsacunapa puricun. Isquïnacunacho ichiycachäcun. Pï runatapis rimir-puntata yurircoj cajta luwarta gonanpaj shuyaraycan.

Proverbios 9:18

Gayaptin aywajcuna ichanga manami musyanchu chaycho wañuy caycashanta. Manami musyanchu gayashan runacunaga llapanpis wañunanta.

Eclesiastés 7:26

Mas juctapis ricashcämi. Wañuypitapis mas fiyupa mana alliga caycan mañösa warmimi. Chay warmipa shongonga togllanömi, maquinpis wascawan watacurcojnömi. Tayta Dios munashanno goyaj cäga chayno warmicunapita witicunmi. Juchasapa cajcunami ichanga chay warmicunata gaticurcun.

Jeremías 3:2

Galayasha jircacunata masqui ricay. Chay jircacunachömi juchata rurashpayqui dioscunata adurashcanqui. Chunyajcho jamarpaj Arabiacunanöpis caminu cantuncunacho juc mösucunata shuyaraj warminömi cashcanqui. Pï-maywanpis cacushpayqui, mana allita rurashpayquimi nasyunniquitapis ganrachishcanqui.

Oseas 4:11

«Pipis jucwan-jucwan cacushpan y amatar upyarpis pasaypami pirdican.

Números 25:1

Israelcunaga Sitimcho tiyar Moab warmicunawan cacuran.

1 Corintios 10:8

Waquin Israelcuna rurashanno warmipis ollgupis jucwan-jucwan ama cacushunchu. Chayno juchata rurashanpitami Israelcunaga juc junajllacho ishcay chunca quimsa warangan (23,000) wañuran.