Proverbios 23:10 - Tayta Diosninchi Isquirbichishan

¹⁰ Unaypita-pacha jawiraj lindacunataga ama witichinquichu. Wacchacunapa chacranmanpis guechunayquipaj ama yaycunquichu.

Proverbios 23:10 ပူးပေါင်းရင်းမြစ်များ

Job 22:9

Biyüdacunata jinayllata gargurej canqui. Wacchacunatana ñacachej canqui.

Job 24:9

«Fiyucunaga pobricunapa chuchuycaj wamrancunatapis guechun. Chay guechushantana rinda chararan.

Job 6:27

Chayno car gamcunaga wacchata wañuchinanpaj nirpis ninquimanmi. Cuyanacushayqui amïguyquitapis ranticuycunquimanmi.

Salmos 94:6

Biyüdacunata, wañuchin. Wacchacunata yarpaypa wañuchin. Juc-lä runacunatana ñacachin.

Éxodo 22:22

«Biyüdacunatawan wacchacunataga ama ñacachinquichu.

Proverbios 15:25

Alli-tucojcuna llapan charashantami Tayta Diosga ushacächin. Biyüdacunapatami ichanga chacrancunatapis chapan.

Proverbios 22:28

Unay castayquicuna jawishan lindacunataga ama witichinquichu.

Jeremías 22:3

Gamcunaga alli cajllata ruray. Ñacachejcunapa maquincho ñacaycajcunata jorguy. Juc-lä runacunata, wacchacunata, ni biyüdacunatapis ama ñacachiychu. Cay partichöga alli runacunata ama wañuchiychu.

Jeremías 7:5

« ‹Chaypa ruquin gamcunaga allillana caway, allita ruray, jucniqui-jucniquipis ama chiquinacuychu.

Jeremías 7:6

Juc-lä runacunata, wacchacunata, ni biyüdacunatapis ama ñacachiychu. Cay partichöga ama wañuchiychu alli runacunata. Juc dioscunatapis ama aduraychu. Mana allilla goyarga quiquiquicunami disigrasyaman chayanquipaj.

Zacarías 7:10

Ama ñacachiychu biyüdacunata, wacchacunata, juc-lä nasyun runacunata, ni pobricunatapis. Jucniqui-jucniqui mana allita ruranacuytapis ama yarpaychu.»

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Deuteronomio 19:14

«Tayta Dios goycushunayquipaj caycaj nasyuncho tiyashpayqui bisïnuyquipa lindancunata rispitanqui. Unay famillyayquicuna lindanpaj churashan señalcunata ama witichinquichu.

Deuteronomio 27:17

« ‹Bisïnunpa chacranta guechuyta munar linda witichej cäga maldisyunasha cachun› nir. «Niptin llapan runacunana ‹¡Nishayquino cachun!› nenga.

Santiago 1:27

Tayta Diosninchïman rasunpa yäracorga wacchacunata, biyüdacunatapis llaquicuycho caycashan-öra yanapächun. Jucha ruraj runacunanöga ama cachunchu.