Proverbios 22:23 - Tayta Diosninchi Isquirbichishan

²³ Paycunapa faburnin Tayta Diosmi canga. Paycunata suwapajtaga Tayta Diosmi ima-aycantapis guechonga.

Proverbios 22:23 ပူးပေါင်းရင်းမြစ်များ

Salmos 103:6

Tayta Diosmi allita ruräga. Ñacaycajcunataga Paymi alli arriglan.

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»

Salmos 12:6

Tayta Diosga aunishancunata cumlinmi. ¡Tayta Dios aunishancunaga caycan ganchis cuti chulluchiptin ganra ushajpaj llojshishan gorinömi!

Salmos 140:12

Noga musyämi pobritaga Tayta Dios alli arriglashanta. Llaquicuycajcunatapis yanapanmi.

Salmos 140:13

Alli runacunaga alabashunquipämi. Munashayquino rurajcunaga ñaupayquichömi cawanga.

Salmos 35:1

Tayta Dios chiquimajcunapitaga washaycamay. Magamajcunawanga pillyay.

Salmos 35:10

Llapan shongöpami nishaj: «Gammanga Tayta Dios, manami pipis tincunchu. Umildicunatawan pobricunataga jorgunquimi mas munayniyojcunapa y engañar suwapajcunapa maquinpita.»

Salmos 43:1

Tayta Dios alli arriglamay ari. Mana rispitashoj runacunachöga faburnë caycuy ari. Fiyu runacunapita llulla runacunapitaga salbamay.

Salmos 68:5

Rispitädu Wasincho tiyaj Tayta Diosga wacchacunapa papäninmi, imapitapis biyüdacunata chapajmi.

Éxodo 22:22

«Biyüdacunatawan wacchacunataga ama ñacachinquichu.

Éxodo 22:23

Ñacachiptiqui paycuna llaquicushpan ruwacamashanta wiyashämi.

Proverbios 21:7

Fiyucunaga quiquin mana allita rurashallanwanmi wañonga. Allita rurayta mana munashanpitami ushacanga.

Proverbios 23:11

Paycunata Washäga caycan fiyupa munayniyojmi. Pï ñacachiptinpis Paymi faburnin jatarir castiganga ñacachejtaga.

Isaías 33:1

Ay imanöraj canqui jucta illgächej. Gamtaga manarämi illgächishunquirächu. Ay imanöraj canqui juccunata engañaj. Manami engañasharächu caycanqui. Illgächiyta ushaycorga quiquiquipis illganquipämi. Juccunata engañayta ushaycuptiquega quiquiquitapis engañashunquipämi.

Jeremías 30:16

«Ichanga gamcunata ñacachishoj cajpis llapanmi ushacanga. Contrayquicunapis llapanmi prësu aywanga. Gamcunata guechushojcunataga quiquincunatapis guechunanpämi camacächishaj. Suwapäshoj cajcunataga paycunatapis suwapangami.

Jeremías 50:34

Noga munayniyoj Tayta Diosmi Israelcunataga imapitapis jorgushaj. Nircur nasyunninchöga jaucami goyächishaj. Babilonia runacunatami ichanga fiyupa castigashaj.

Jeremías 51:36

Chaymi Tayta Dios nin: «Nogami alli arriglashayqui. Chaymi contrayquicunataga ayñita cutichishaj. Babiloniacho caj mayucunatawan pashtaj yacuncunatapis ushajpämi chaquirachishaj.

Miqueas 7:9

Tayta Dios mana munashanta rurarmi juchata rurashcä. Chaymi awantashaj castigamaptinpis. Payga imano cashätapis jusgamangami. Nircorga allimi arriglamanga. Tayta Diosga achicyajmanmi jorgamanga. Paymi salbamanga.

Habacuc 2:8

Gamcunaga achca nasyun runacunatami ima-aycantapis guechushcanqui. Cananga ima-aycayquitapis paycunanami cutichicongapaj. Llapan mana allita rurashayquipitami wañuchishayquipitami ayñita cutichishunquipaj.

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

1 Samuel 24:12

¡Tayta Diosninchïmi ishcanchïta jusgamäshun! Paymi nogataga alli ricamanga. Nogaga manami imaypis contrayqui jatarishächu.

1 Samuel 24:15

Chaymi Tayta Diosninchi ishcanchïtapis jusgamäshun. Mä mayganchïshi juchayoj canchi. ¡Wañuchimänayquipita pay salbamächun!»

1 Samuel 25:39

Nabal wañushanta mayar David niran: «¡Alabasha cachun Tayta Diosga. Nabal ufindimashanpita allichömi Tayta Dios castigasha! ¡Nogatapis chapämashami mana allita ruranäpita. Nabal mana allita rurashantapis quiquinmanmi ticrachisha!» Chaypitana Davidga cachacuran Abigailman «majachacäshun» nir.