Proverbios 21:4 - Tayta Diosninchi Isquirbichishan

⁴ Manacajman churaypis, yachaj-tucuypis, mana allita yarpaypis juchami.

Proverbios 21:4 ပူးပေါင်းရင်းမြစ်များ

Job 18:5

«Rasunpami fiyu runacunapa achquenga upicäconga. Ninanpis mananami ratapanganachu.

Job 18:6

Achqui tübun upicäconga. Wasinchöpis chacajllanami canga.

Salmos 10:4

Chay runacunaga alli-tucur nin: «Diosga manami canchu. Piräshi nogata jusgamanman imata rurashätapis» nir. Chayllatami imay örapis yarparaycan.

Salmos 101:5

Bisïnunpa washanta pacayllapa parlaycajta nogaga piñacushämi. Manami awantächu ollgojcunatawan alli-tucojcunataga.

Salmos 131:1

Tayta Dios, nogaga manami alli-tucöchu. Manami pitapis manacajman churächu. Manami munächu ima-aycatapis aypallata ni ima allicunatapis mana aypänäpaj cajtaga.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Proverbios 21:27

Tayta Diosga melanäcunmi fiyu runacuna garashan sacrifisyuta. Mas piyur-rämi melanäcunpis yanapänan cashalla sacrifisyuta apapaptenga.

Proverbios 24:20

Fiyucunaga mana alliman chayar-rämi mayanga. Fiyucunaga achqui upejno illajpitami illaraycanga.

Proverbios 30:13

Waquenga fiyupami munayniyoj-tucun. Chaymi waquin runataga manacajman churan.

Proverbios 6:16

Sojta castata, asta ganchis castatami Tayta Diosga fiyupa melanäcun:

Proverbios 6:17

Alli-tucojcunata, llullacunata, alli goyäcoj runata wañuchejta,

Proverbios 8:13

Tayta Diosta rispitaj runaga mana alli cajcunata llapantami chiquin. Nogaga chiquëmi alli-tucojta, jucha aparicojta, llapan llullacojta.

Isaías 10:12

Sión lömatawan Jerusalenta Asiriapa rayninwan ushaycacherga paytapis Tayta Dios castigangami. Castiganga alli-tucushanpita, ollgoj car munayniyoj-tucushanpita.

Isaías 2:11

Alli-tucojcunaga uysurpangami. Ollgojcunapis manacajman churashami ricacongapaj. Chay junäga Tayta Diosllami fiyupa munayniyoj cashpan rispitasha canga.

Isaías 2:17

Alli-tucojcunawan ollgojcunaga pasaypa manacajman churashami cangapaj. Chay junäga Tayta Diosllami fiyupa munayniyoj cashpan rispitasha canga.

Isaías 3:16

Mastapis Tayta Diosga nin: «Sión warmicunaga fiyupami alli-tucun. Ñuquiycachaycar guepishtaycachar-raj purinpis. Chaquinman watacushancunata suynachinanpämi jinallanman jinallanmanraj japaycunpis.

Lucas 11:34

Llapanta achquipänanpaj runacuna achquita sindishannöllami nogapis willacuycä llapan runacuna tantiyananpaj. Pipis tantiyacoj cäga willacushäta tantiyar chasquicunmi. Mana tantiyacoj cajmi ichanga willacushäta mana chasquir chacajchöno juchallancho caycan.

Lucas 18:14

Chaymi impuestuta cobräga perdunashana wasinman cutisha. Fariseo cajtami ichanga Tayta Dios mana perdunashachu. «Alli-tucoj cäga manacajman churashami cangapaj. Manacajman churasha caycajcunami ichanga alliman churasha cangapaj.»

Romanos 14:23

Micunanpaj mana alli cashanta yarparga mejor ama micuchunchu. Mana alli cashanta yarpaycar micorga juchatami ruraycan. Chaynöllami mana alli cashanta yarpaycar imatapis rurarga noganchïpis juchata ruraycanchi.

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»