Proverbios 21:20 - Tayta Diosninchi Isquirbichishan

²⁰ Yachajcunapa wasinchöga ima-aycanpis juntami. Manami imapis pishinchu. Mana tantiyacojcunami ichanga ima tarishallantapis ushacurcun.

Proverbios 21:20 ပူးပေါင်းရင်းမြစ်များ

Job 20:15

Chayrämi pipa ima-aycanta ushashantapis rimarenga. Paycunapa pachanpita Tayta Diosmi gumitachimonga.

Job 20:18

Ima-aycata gänashantapis llapantami cutichipaconga. Chaycunata manami imatapis rurangachu ni rubichangapischu.

Salmos 112:3

Wasincho ima-aycancunapis manami pishengachu. Pï-maypäpis allimi canga.

Salmos 23:5

Chiquimajcuna ricapaycämaptinmi mas alli micuyta garamanqui. Alli jamachimashpayquimi umämanpis asëtita wiñapämanqui. Jicha-jichananyajrämi bäsömanpis wiñapämashcanqui.

Proverbios 10:22

Tayta Diospa bindisyunninwanmi alli cawan. Chay bindisyunwanga manami ima llaquicuypis canchu.

Proverbios 14:24

Yachajcunapaga yachashanmi corönanno caycan. Mana tantiyajcunapami ichanga upa caynillan adurnunno caycan.

Proverbios 15:6

Mana yatapacoj alli runapa wasinchöga ima-aycanpis puchu-puchumi. Fiyu runapami ichanga imata tarishanpis manacajnölla ushacäcun.

Proverbios 22:4

Umildi cashpan, Tayta Diosta rispitaptenga Paymi camacächin chay runa ima-aycayojpis cananpaj, rispitasha cananpaj, alli cawananpaj.

Proverbios 8:21

Cuyar yachacamajcunataga ima-aycatapis tarichëmi. Tarichë wasincho ima-aycanpis mana pishej cananpaj.

Eclesiastés 10:19

Paycunaga alli micuyta rurachin cushicur micunanpaj. Bïnupis caycan cushisha upunanpaj. Guellay captenga llapanpis canmi.

Eclesiastés 5:19

Ima-aycatapis aypallata charänanpaj yanapashan cajtaga Tayta Dios nin charashancunata alli gastananpämi. Chay-jina arurcur allita rurar cushicushanchïpis caycan Tayta Dios camacächishanmi.

Eclesiastés 7:11

Cay bïdachöga yachaj cay allimi. Yachaj cay y rïcu caymi ichanga mas fiyupa alli.

Jeremías 41:8

Ichanga waquinta wañuycächiptin chuncaj runacuna Ismaelta ruwacuran: «Ama wañuchimaychu. Nogacunaga jircachömi pacaraycächë rïguta, sebädata, asëtita, mishquita» nir. Chayno niptin Ismaelga waquin cajtawan iwal mana wañuchirannachu.

Mateo 25:8

Yarpayniynajcunaga yarpaysapa cajcunata mañacusha ‹Achquë upiycannami. Asëtiquita mañacushayqui› nir.

Lucas 15:14

«Guellayninta ushashallantanashi goyaycashan nasyunchöga fiyupa muchuy caran. Muchuy captin chay mösuga fiyupashi yargasha.

Lucas 16:1

Mastapis tincuchiypa willapar disïpuluncunata Jesús niran: «Juc rïcu runashi casha. Payshi juc uywayninta churaran capuralnin car ima-aycantapis ricananpaj. Chaypitashi chay patrunninta runacuna willaran ima-aycantapis manacajcunacho capuralnin ushaycashanta.

Lucas 6:45

Alli runaga parlan shonguncho alli yarpaycashantami. Mana alli runaga parlan shonguncho mana alli yarpaycashallanta. Shonguncho mana allita yarparmi ichanga mana allita parlan.