Proverbios 21:15 - Tayta Diosninchi Isquirbichishan

¹⁵ Alli cajta rurar alli arreglaptin alli runacunaga cushicunmi. Mana allita ruraj juchayojcunami ichanga mana alliman chayan.

Proverbios 21:15 ပူးပေါင်းရင်းမြစ်များ

Salmos 112:1

¡Aleluya! ¡Tayta Diosga alabasha cachun! Cushishami cawanga Tayta Diosta rispitaj cäga, mandamintuncunata cumlej cajpis.

Salmos 119:16

Layniquicunata cumlirmi cushicushaj. Palabrayquitaga manami gongashächu.

Salmos 119:92

Yachachicuyniqui mana cushicachimaptenga llaquicuycällarmi wañöman caran.

Salmos 40:8

Tayta Dios, gam munashayquita rurarmi cushicö. Layniquicunatapis llapantami yarparaycä.»

Proverbios 10:29

Alli runacunataga imapitapis Tayta Diosmi chapan. Llutanta rurajcunatami ichanga illgächin.

Proverbios 21:12

Juchaynaj Tayta Diosga fiyu runa imano goyashantapis sumajmi ricaycan. Nircur fiyu runacunataga mana alliman chayachirmi illgächin.

Proverbios 21:16

Alli cajta ruraycashancho llutanta rurarnaga wañongami.

Proverbios 5:20

Ïju, quiquiquipa majayquiwan alli cushisha goyaycashpayquega ¿imanir-raj majayoj warmicunawanga cacunquiman? ¿imanirtaj chay-niraj warmicunata macallarcur cuyaycunquiman?

Eclesiastés 3:12

Canan noga musyämi runa imata rurananpaj cashantapis. Runaga cay pachacho cawashancama cushicur goyanman, alli cajcunallata ruranman.

Isaías 64:5

Gamga munanqui pipis cushisha alli cajllata ruranantami. Chaynöpis munanqui gam munashayquita rurananpaj yarpachacojcunallatami. Gamga rabyacurcushcanqui juchäcunapitami. Unaypita-pachanami gamta rabyachir jucha rurayllacho nogacuna cashcä. ¿Imanöparaj nogacunaga salbacöman?

Mateo 7:23

Chayno nimaptin nogaga nishäpaj: ‹Gamcunataga manami rejsëchu. Ñaupäpita witicuy juchasapa runacuna› nir.

Juan 4:34

Chayno yarpashanta tantiyarmi Jesús niran: «Nogapa micuynëga caycan cachamaj munashanta ruraymi y cumliymi.

Romanos 7:22

Shongullächöga Tayta Diospa laynincuna nishanta wiyacuytami munä.