Proverbios 20:7 - Tayta Diosninchi Isquirbichishan

⁷ Allita ruraj runaga allita rurallarmi goyan. Chayno alli runapaga wamrancunapis cushishami goyanga.

Proverbios 20:7 ပူးပေါင်းရင်းမြစ်များ

Génesis 17:7

Gamwanpis gampita mirajcunawanpis conträtutami rurashaj. Chay conträtu rurashäga imaycamapis canga. Nogami cashaj gampa Diosniqui; chayno gampita mirajcunapapis.

Job 1:1

Uz partichömi juc alli runa tiyaran. Llapan shongunpa Tayta Diosllata sirbej. Mana alli ruraycunataga amatar manchacoj. Paypami jutin caran Job.

Salmos 112:2

Alli runapita mirajcunami cay pachachöga munayniyoj canga. Alli runacunapita mirajcunaga bindisyuntami chasquenga.

Salmos 15:2

Chayangapäga juchaynajcunallami, alli cajta rurajcunallami, rasun cajta rimajllami,

Salmos 26:1

Tayta Dios, imano cashätapis gamga musyaycanquimi. Nogaga imaypis alli cajllatami ruraycä. Mana cachaypa gamllamanmi yäracaycämö.

Salmos 26:11

Nogami ichanga imaypis alli cajllata ruraycä. Cuyapämashpayqui salbaycamay ari.

Salmos 37:26

Alli runacunaga imaypis cuyapäcunmi. Chaymi pitapis ristaycun. Wamrancunapis bindisyunyojmi canga.

Proverbios 13:22

Ima-aycayojpis car alli runaga willcancunatawanrämi raquipan. Juchasapacunami ichanga ima-aycantapis churarächicun alli runacuna rubichanallanpaj.

Proverbios 14:2

Allita rurar goyäga Tayta Diostami sumaj rispitan. Llutanta rurajcunami ichanga Tayta Diostapis manacajman churan.

Proverbios 14:26

Tayta Diosta manchacöga Paymanmi yäracun. Chaymi paytapis wamrancunatapis Tayta Diosga yanapan.

Proverbios 19:1

Pobrillapis mana suwa caymi mas alliga mana tantiyaj upa, tumpacoj cananpitaga.

Isaías 33:15

Alliga cawanga alli cajllata ruraj cajmi, rasun cajllata parlaj cajmi, rïcuyänanpaj firsapita pipa imantapis mana guechoj cajmi, faburnin cananpaj pacayllapa pägaptinpis mana chasquej cajmi, wañuchinanpaj shimita goptinpis mana chasquej cajmi, mana allita ruraycajta mana ricananpaj witicoj cajmi.

Jeremías 32:39

Paycunataga yarpayninchömi shacyächishaj cawashancamaga nogallatana rispitamänanpaj, chaynöpana quiquincunapis, wamrancunapis alli cawananpaj.

Lucas 1:6

Paycunaga imaypis Tayta Dios mandashanta cumlirmi goyaj. Chaymi paycunapäga pipis washanta mana rimajchu.

Hechos 2:39

Espíritu Santutaga cachamonga gamcunaman, wamrayquicunaman, juc-lä runacunamanpis. Acrashancunamanga pï-maymanpis cachamunanpämi Tayta Dios aunisha.»

2 Corintios 1:12

Ermänucuna, gamcunawanpis allimi cashcä. Pitapis manami llullapashcächu. Quiquëcunallapitachu manami cawä. Tayta Diosninchïmi cuyacoj cayninwan llapanchöpis yanapäman. Chaymi imapitapis mana pengacöchu.