Proverbios 20:30 - Tayta Diosninchi Isquirbichishan

³⁰ Mana allita rurajcunapäga yawar-yawar astiyrämi jampi. Castïguwanrämi juchasapacunapis tantiyacun.

Proverbios 20:30 ပူးပေါင်းရင်းမြစ်များ

Salmos 89:32

castigashaj gueruwan wiruypapis mana wiyacamashanpita, mana allicunata rurashanpita.

Proverbios 19:25

Shimisapa runata castigaptinmi mana tantiyacöga yachacun. Alli tantiyacoj yachaj runami ichanga juc willapayllacho yachacun.

Proverbios 22:15

Wamra-mösucunaga wichaypa uraypami yarpan. Chaypis astiptenga wiyacur tantiyacunmi.

Proverbios 27:6

Piñacuptinpis cuyanacushan amïgunman yäracuymi mas alli janan shongulla alli shiminpa parlapajman yäracunanpitaga.

Isaías 27:9

Chaynöpami Jacobpita mirar aywajcuna jucha rurashantaga perdunanga. Chaymi iscu rumita cuwarcur jururachishanno juccunapaj rupachinan altarcunata ichic-ichiclla rurarenga. Asera diosa-niraj ïdulucuna jucnayllapis manami canganachu. Juc dioscunapaj insinsu saumachicunan altarcunapis manami canganachu.

Isaías 53:5

Ichanga noganchi Diosta mana wiyacushanchïpitami juchayoj runatanöpis tucsiran. Noganchi mana allita rurashanchïpitami fiyupa ñacachiran. Pay ñacashanpitami noganchi alli goyayta tarishcanchi. Payta däñar-ushashanpitami noganchëga allchacashana caycanchi.

Hebreos 12:10

Mamanchi taytanchïpis maquincho cashanchïcamallami llutanta rurashanchïpita piñacamaj canchi. Alli yachacunanchïpaj piñacamashpanchïpis aybësi juchaynaj caycashami llutalla piñacamashcanchi. Tayta Diosninchïmi ichanga mana llutallaga piñacamanchïchu. Chaypa ruquenga mana juchallicuypa pay munashanno cawananchïpämi piñacamanchi.

1 Pedro 2:24

Juchaynaj caycarpis Jesucristo cruscho wañuran juchata rurashanchïpita perdunashana cananchïpämi, Tayta Diosninchi munashannöna cawananchïpämi. Payta däñar-ushashanpitami noganchëga allchacashana caycanchi.