Proverbios 20:28 - Tayta Diosninchi Isquirbichishan

²⁸ Rasun cajta ruraj captin, cuyapäcoj captin raytaga pipis manami jitarinchu.

Proverbios 20:28 ပူးပေါင်းရင်းမြစ်များ

Salmos 101:1

Tayta Dios cuyacoj cashayquipitami alabashayqui. Allillata rurashayquipitami alabashayqui. Tayta Dios, gamllatami alabashayqui.

Salmos 21:7

Rayga Tayta Diosmanmi yäracun. Tayta Dios cuyacoj captin payman yäracun. Chaymi imaypis mana allimanga mana chayangachu.

Salmos 26:1

Tayta Dios, imano cashätapis gamga musyaycanquimi. Nogaga imaypis alli cajllatami ruraycä. Mana cachaypa gamllamanmi yäracaycämö.

Salmos 40:11

Tayta Dios, cuyapaycamay ari; ama ñïgamaychoga. Aunishayquita cumlej cashpayqui imaypis chapaycamay.

Salmos 61:7

Gampa bindisyunniquiwan ray cachun unaycama. Cuyacoj, llapantapis cumlej cashayquimanno ricaycuy ari.

Proverbios 16:12

Raycunaga mana alli ruraycunata melanäcunmi. Rayga alli mandan llapanpis allillata ruraptinrämi.

Proverbios 16:6

Rasunpa cuyarga juchanpita perdunanmi. Tayta Diosta wiyacorga jucha ruraypita witicunmi.

Proverbios 29:14

Juc mandaj pobricunata alli mandaptenga imaycamapis chaynöllami mandaycanga.

Proverbios 3:3

Ama imaypis gonganquichu cuyapäcoj cayta. Chaycunataga shonguyquiman sumaj churacuy.

Isaías 16:5

Davidpita mirajnami Jerusalencho ray cangapaj. Payga canga cuyapäcojmi. Payga canga mana suwacoj juezmi, alli arriglajmi. Payga alli cajllatami ruranga.

Daniel 4:24

«Chay ricashayqui wiyashayquega caycan janaj pachacho caycaj Tayta Dios gampaj nishanmi. Chayga caynömi canga: