Proverbios 20:22 - Tayta Diosninchi Isquirbichishan

²² Pipis mana allita rurashuptiqui ama yarpaychu ayñita cutichiytaga. Tayta Diosllaman yäracuy. Chaura Paymi yanapäshunquipaj.

Proverbios 20:22 ပူးပေါင်းရင်းမြစ်များ

2 Samuel 16:12

Capaschari Tayta Dios fiyupa llaquicuycajta ricamarga canan ashllimaptinpis bindisyunta gomanga.»

Salmos 27:14

Tayta Diosman yäracuy. Mana guellanayllapa yäracuy. Tayta Diosllaman yäracuy ari.

Salmos 37:34

Gamga Tayta Diosllaman yäracuy. Payllata wiyacuy. Paymi alliman chayachishunquipaj. Aunishushayqui alli pachatapis goycushunquipaj. Ñawiquiwanmi ricanquipaj fiyu runacunata illgächejtapis.

Salmos 37:40

Tayta Diosmi imanöpapis gueshpichin. Tayta Diosman yäracuptinmi fiyucunapitapis salban.

Proverbios 17:13

Alli yanapaycaptin mana alliwan cutichejpa wasinchöga manami imaypis mana alli goyay pishengachu.

Proverbios 19:11

Yarpaysapa runaga imapitapis pasinsacunmi. Achäquita ashipajcunatapis perdunanmi.

Proverbios 20:21

Mana ñacayllapa rïcuyashanga fäsimi ushacanga. Chauraga llaquishallanami goyanga.

Proverbios 24:29

Pï ima mana allita rurashuptiquipis gamga ama yarpaychu ayñita cutichiyta.

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Levítico 19:18

Marca-masiqui imatapis rurashuptiqui ayñita ama cutichinquichu, ni nanaparanquipischu. Chaypa ruquenga runa-masiquita cuyanqui quiquiqui alli cawayta munashayquino. Noga Tayta Diosniquimi chayno në.

Mateo 5:39

«Chaypis nogaga caynömi në: Mana allicunata rurashuptiquipis ama ayñita cutichiychu. Gagllayquicho lagyashuptiquega jucaj-lä gagllayquitapis camapay.

Deuteronomio 32:35

Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

1 Tesalonicenses 5:15

Pipis imatapis mana allita rurashuptiqui gamcunapis cuydä mana alliwan cutichir. Chaypa ruquenga allillata rurar ermänucunawanpis y pï-maywanpis alli goyay.

1 Pedro 2:23

Runacuna ashlliptinpis payga manami ashlliranchu. Ñacachiptinpis manami juraparanchu. Chaypa ruquenga Tayta Diosninchïpa maquinmanmi cachaycuran pay jusgananpaj.

1 Pedro 3:9

Runa-masiqui chiquishuptiquipis gamcunaga ama chiquiychu. Ashllishuptiquipis ama ashlliychu. Chaypa ruquenga Tayta Diosninchïta mañacuy chiquishojniquitapis bindisyunta gonanpaj. Gamcunapis bindisyunta chasquinayquipämi Tayta Diosga acrasha-cashunqui.

1 Pedro 4:19

Chaymi Tayta Diosninchi camacächiyninpa ñacajcunaga ama llaquicuychu. Paypa maquinman bïdayquita churaycuy. Nircur sïguir allillata rurar cawashun. Payga aunishancunata cumlinmi.

1 Samuel 25:13

Willaptin Davidga yan'guincunata niran: «¡Armayquicunata camaricuy-llapa!» Chaura llapan runacuna camaricuran sablincunata y quiquin Davidpis. Camaricarcärir paywan chuscu pachac (400) runacuna aywaran. Ishcay pachacna (200) quëdaran imancunatapis ricaycar.