Proverbios 2:19 - Tayta Diosninchi Isquirbichishan

¹⁹ Chay warmita gaticurcöga manami allimanga cutinnachu. Manami alli caminupa purinnachu.

Proverbios 2:19 ပူးပေါင်းရင်းမြစ်များ

Salmos 16:11

Mana ushacaj cawayta tarinäpämi ricachimanqui. Gampa ñaupayquichöga amatar cushicuyllami, imaycamapis alli goyayllami.

Salmos 81:12

Chaypitami cachaycushcä munashayquino cawacunayquipaj. Chaymi munashayquinöna goyäcushcanqui.

Proverbios 4:18

Alli runacuna alli goyashanga caycan pacha warämur achicyajnömi.

Proverbios 5:11

Chauraga ñacayman chayar, gueshya charishuptiqui llaquicur waganquipaj.

Proverbios 5:6

Chayno warmiga alli goyaypaj manami yarpachacunchu. Llutanta ruraycashancunatapis manami tantiyacunchu.

Proverbios 6:32

Runapa warminwan cacöga mana tantiyacoj upa runami. Chayno carga quiquillanmi pirdican.

Eclesiastés 7:26

Mas juctapis ricashcämi. Wañuypitapis mas fiyupa mana alliga caycan mañösa warmimi. Chay warmipa shongonga togllanömi, maquinpis wascawan watacurcojnömi. Tayta Dios munashanno goyaj cäga chayno warmicunapita witicunmi. Juchasapa cajcunami ichanga chay warmicunata gaticurcun.

Jeremías 13:23

¿Yana runa ticranmanchuraj yurajman? ¿Tinripis muru caycashanpita ticranmanchuraj juc culurllaman? Chaynömi gamcunapis mana alli rurayllacho yachacasha car allitaga mana ruranquinachu.

Oseas 4:14

Quiquiquicunapis mañösa warmicunawanmi cacuycanqui. Chay warmicunawan ïdulucunata aduraj aywaycanqui. Chayno caycaptiquega noga mananami castigashänachu piwanpis cacushanpita wamrayquicunata, ni llumchuyniquicunatapis runancunata jucwan jananpashanpita. Chaynöpami runacunaga Diosnin cashäta mana musyashpan mana alliman chayan.

Hebreos 6:18

Tayta Diosninchëga manami llullacunchu. Chaymi canan noganchïpis musyanchi jurashanta, aunimashanchïta cumlinanpaj cashanta. Chaymi payman yäracoj cajcunaga cushisha shuyäcunchi Tayta Dios aunimashanchïta imay öra carpis cumlimänanchïpaj cashanta.