Proverbios 19:7 - Tayta Diosninchi Isquirbichishan

⁷ Pobritaga famillyancunapis manacajmanmi churan. Chayno caycaptenga rasuntachari amïguncunapis mana witipannachu. Amïgupayta ashiptinpis pacacaycärinmi.

Proverbios 19:7 ပူးပေါင်းရင်းမြစ်များ

Salmos 38:11

Guerëcuna captinmi llapan amïgöcunapis, castäcunapis carullachöna carcaycan.

Salmos 38:12

Wañuchimayta munajcunaga togllatami churaparcaycäman. Mana allita ruramayta munamajcunaga illgächimaytami yarparcaycan. Imay örapis mana allita ruramayllatami yarpaycan.

Salmos 88:18

Nogapitaga gargushcanqui amïgöcunata yan'guëcunatapis. Cananga yanauyaycaj chacayllachönami caycä.

Salmos 88:8

Gammi camacächishcanqui amïgöcunapis jaguiycamänanpaj. Gammi camacächishcanqui paycuna manana awantamänanpaj. Cananga caycä prësu mana gueshpiyta puydejnömi.

Proverbios 10:15

Rïcu runataga ima-aycanpis cashanpitami rispitan. Pobri runatami ichanga imanpis mana captin paypäga pipis mana rimarcunchu.

Proverbios 14:20

Rïcucunapaga pï-maypis amïgullanmi. Pobricunatami ichanga rejsinacushancunapis manana witipanchu.

Proverbios 18:23

Pobriga alli shimillanpami imapitapis ruwacun. Rïcumi ichanga imallapitapis fiyu shiminpa cutichin.

Proverbios 19:4

Ima-aycanpis bastanti captinmi rïcupaga pï-maypis amïgullan. Pobritami ichanga amïguncunapis gongaycärin.

Proverbios 21:13

Pobri runa ruwacur mañacuptin mana cäsojtaga quiquintapis ruwacur mañacuptin Tayta Diosga manami cäsongachu.

Proverbios 27:10

Amïguyquitaga imaypis ama gongaychu. Papäniquipa amïguntapis ama gongaychu. Inrïducho cashayqui öraga wauguiquipa wasinman ama aywanquichu. Carucho tiyacoj wauguipitaga bisïnu amïguyquimi mas alli.

Santiago 2:6

Chayno caycaptenga ¿imanirtaj pobricunata manacajman churar rïcu runacunata alli ricaycanqui? ¿Manachu rïcu runacunaga munashanta rurachir ñacachishunqui? ¿Manachu magarcur-magarcur autoridäcunamanpis apachishunqui?