Proverbios 19:23 - Tayta Diosninchi Isquirbichishan

²³ Tayta Diosta rispitar manchacoj cäga alli cawaytami tarin. Chaynöpami alli goyan. Manami imamanpis chayanchu.

Proverbios 19:23 ပူးပေါင်းရင်းမြစ်များ

Salmos 103:17

Tayta Diosmi ichanga imaycamapis cuyan payta wiyacojcunataga. Alli caynenga ayca miraycamapis chaynöllami.

Salmos 19:9

Tayta Diospa palabrantaga rispitaypämi. Palabranga manami imaypis rucacanchu. Tayta Dios jusgashancunaga rasun cajmi. Llapanpis allillami.

Salmos 25:13

Chaura cay bïdachöpis juc bïdachöpis allillami goyanga. Wamrancunanami chacranwanpis quëdanga.

Salmos 85:9

Tayta Diosga jananchïchönami caycan rispitajcunata salbananpaj. Payga cay pachacho noganchïwanmi imaypis caycanga.

Salmos 90:14

Pacha warashan öraga cuyamashayquita musyachimay. Chaura cawashäcama cushisha alabashayqui.

Salmos 91:10

Chaymi mana chayashunquipächu ima mana allipis. Famillyayquicunatapis gueshya manami charengapächu.

Salmos 91:16

Unaycamami cawachishaj. Noga salbacoj cashäta musyachishaj.»

Proverbios 10:27

Tayta Diosta rispitar manchacojcunaga unaycamami cawanga. Fiyu runacunami ichanga pöcu timpulla cawanga.

Proverbios 11:19

Alli cajta rurar goyarga mana ushacaj cawaytami tarin. Mana allita rurajcunami ichanga quiquillan wañuyta ashiycan.

Proverbios 12:21

Alli runaga imaypis manami ñacangachu. Fiyucunami ichanga imaypis mana allillaman chayaycan.

Proverbios 19:22

Runataga nishanta cumlej alli canantami pipis munan. Trampösu cananpa ruquenga pobrilla cacuptinpis mas allimi.

Proverbios 22:4

Umildi cashpan, Tayta Diosta rispitaptenga Paymi camacächin chay runa ima-aycayojpis cananpaj, rispitasha cananpaj, alli cawananpaj.

Proverbios 3:24

Puñurpis manami manchacunquipänachu. Mana yarpachacuypanami puñucunquipäpis.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

Mateo 5:6

«Cushishami cawanga fiyupa yargaycajno yacunaycajnöpis Tayta Dios munashanno alli rurayta munajcunaga. Paycunatami Tayta Dios yanapanga.

Hechos 9:31

Chay wichanga yäracojcuna allimi goyäcuran Judeacho, Galileacho, Samariacho. Chaymi shacyäcuran Tayta Dios munashannölla cawananpaj. Chayno Espíritu Santu yanapaptinmi yäracojcunapis mas achcayaranna.

Romanos 8:28

Musyanchïmi cuyashancunapäga Tayta Diosninchi imatapis allita rurashanta. Ichanga pay chayno ruran acrashan caj runacunallapämi.

1 Timoteo 4:8

Tayta Diosninchi munashanno goyayga mas allimi caycan fïsicata rurashanchïpitapis. Fïsica rurayga cay pachacho cawashanchïcamallami alli caycan. Tayta Diosninchi munashanno goyaymi ichanga cay pachacho y syëluchöpis alli cawananchïpaj caycan.

2 Timoteo 4:18

Chaynöllami llapan mana allicunapitapis salbamanga. Nircurnami imaycamapis ñaupancho cawanäpaj pushacamanga. ¡Tayta Diosninchëga imaypis alabasha caycullächun!