Proverbios 19:13 - Tayta Diosninchi Isquirbichishan

¹³ Mana tantiyacoj wamraga taytanta llaquicachinmi. Shimisapa warmipis mana chawaypa jutoj wasinömi achäquita ashipayta mana jamanchu.

Proverbios 19:13 ပူးပေါင်းရင်းမြစ်များ

Job 14:19

yacu wagruypa wagrur rumicunata ushacurcushannömi, tamya yacupis ñuchu allpata apacushannömi gampis runa yarpaycashancunata mana camacänanpämi ninqui.

Proverbios 10:1

Salomón yachaj car rimashan rimaycuna: Yachaj wamraga maman-taytanta cushicachinmi. Mana tantiyacoj wamrami ichanga llaquicachin.

Proverbios 15:20

Yachaj wamraga maman-taytantapis cushicachinmi. Mana tantiyaj wamrami ichanga maman-taytantapis manacajman churan.

Proverbios 17:17

Alli amïguga manami cachaycushunquichu. Llaquicuycunacho captiquipis payga wauguiquinömi.

Proverbios 17:21

Wamran mana tantiyacoj captin taytanga fiyupa llaquicuyllachömi goyan. Mana tantiyacoj upapa taytanga imaypis manami cushisha goyanchu.

Proverbios 17:25

Mana tantiyacoj upa wamraga taytantapis rabyachinmi; mamantapis llaquicachinmi.

Proverbios 21:19

Fiyu y rabyaj warmiwan tiyananpa ruquenga mas allimi canman japallan chunyajcho tiyacuptinpis.

Proverbios 21:9

Alli jatun wasicho rimanacuyllata pillyallata ashiycaj warmiwan goyänanpa ruquenga chucllallachöpis japallan tiyacuptin mas allimi canman.

Proverbios 25:24

Alli jatun wasicho rimanacuyllata pillyallata ashiycaj warmiwan goyänanpa ruquenga mas allimi canman japallan chucllallacho tiyacuptinmi.

Proverbios 27:15

Shimisapa warmipis tamyaptin mana chawaypa jutoj wasinömi achäquita ashipayta mana jamanchu.