Proverbios 18:5 - Tayta Diosninchi Isquirbichishan

⁵ Autoridäcuna juchayojcunapa faburnin captenga manami allichu. Ima juchanpis mana caycaptin «juchayojmi» nir arriglaptenga manami allichu.

Proverbios 18:5 ပူးပေါင်းရင်းမြစ်များ

Job 34:19

Payga manami mandajcunapa faburninchu. Pobricunata cachaycorga manami rïcucunata yanapanchu. Paymi llapan runacunatapis rurasha.

Salmos 82:2

«¿Imaycamaraj gamcunaga mana alli arriglanqui? ¿Imaycamaraj mana allita rurajcunapa faburnin caycanqui? Selah

Éxodo 23:2

«Waquin runacuna mana allita ruraptinpis paycunanöga ama ruranquichu. Autoridäpa ñaupancho achcaj jucnöpa-jucnöpa niptinpis gamga rasun cajllata parlanqui.

Éxodo 23:3

Llutanta rurasha captenga ni pobri captinpis ama faburnin jatarinquichu.

Éxodo 23:6

«Dimandacamuptenga pobritapis alli arriglanqui.

Proverbios 17:15

Juchan musyacaycaptin mana castigajtapis, juchaynajta «juchayojmi» nejtapis ishcantami Tayta Diosga melanäcun.

Proverbios 17:26

Juchaynaj caycaptin jitapayga manami allichu. Rispitädu runata manacajpita astiypis manami allichu.

Proverbios 24:23

Caycunapis yachajcuna rimashanmi: Pipis dimanducho captin jucajllata ricapayga manami allichu.

Proverbios 28:21

Manami allichu waquillanpa faburnin jatariy. Waquin runaga juc amuy tantallapäpis jucpa faburninmi jatarin.

Proverbios 31:5

Machacurcorga laycuna niycashantapis gongaycunmanmi. Chayno gongaycorga ñacaycajcunata mananami alliga ricanganachu.

Isaías 5:23

Gamcunaga guellay-raycumi juchayojtapis «juchaynaj» ninqui. Juchaynajtana alli arriglanayquipa ruquin «juchayojmi» ninqui.

Isaías 59:14

Chaynöpami alli cajta ruraytaga gongaycärishana. Alli cajta ruraytaga pipis manami yarpannachu. Parlashantaga runacuna manami cumlinnachu. Suwapänacur suwapänacullarnami goyarcaycan.

Levítico 19:15

«Autoridä car derëchu canqui. Pobritapis juchanpitaga ama chapanquichu. Ni rïcucunatapis juchanpitaga ama chapanquichu. Autoridä carga alli arriglanqui.

Miqueas 3:9

Rayta mandäshej Israelcuna, Jacobpita mirajcunapa mandajnincunapis canan nishäta wiyamay. Gamcunaga manami alli cajta rurayta munanquichu. Lay nishancunatapis manami cumlinquichu.

Miqueas 7:3

Mana alli ruraypäga fiyupa yachajmi carcaycan. Mandaj autoridäcunaga imapitapis pägananta munarcaycan. Juezcunapis pacayllapa pägaptenga chasquinmi. Munayniyojcunaga imatapis munashantami ruran.

Mateo 22:16

Chaymi imata ninanpäpis sumaj yacharcachir fariseo runacuna cacharan disïpuluncunatawan ray Herodespa faburnin caj runacunata. Paycunami Jesusta cayno niran: «Maestru, nogacuna musyämi rasun cajllata rimashayquita. Gamga rasunpami yachachinqui Tayta Dios munashannölla. Manami runacuna gustashallantachu yachachinqui.

Deuteronomio 16:19

Paycunaga pitapis mana jananpayllapa llapanta sumaj arriglachun. Rïcutapis pobritapis saynita mana chasquiyllapa arriglachun. Saynita chasquerga yachaj runacunapis sumaj arriglananpa ruquin chasquishan runapa faburninmi jatarenga. Saynita chasquerga alli runacuna willapashancunatapis manami chasquengapänachu.