Proverbios 18:3 - Tayta Diosninchi Isquirbichishan

³ Mana allita rurajcunaga pengaychömi ricaconga. Alli-tucojcunapis manacajman churashami canga.

Proverbios 18:3 ပူးပေါင်းရင်းမြစ်များ

Nehemías 4:4

Chaymi noga Nehemiasga Tayta Diosta mañacurä: «Tayta Diosnë, masqui wiyay nogacunata asipaycämashanta. Nogacunata chiquimar rimamashancunataga quiquincunaman ticraycachiy. Paycunaga chiquinacushanpa munaynincho cachun. Prësu apachun juc-lä nasyunman.

Salmos 69:20

Gayapämashpanmi shongötapis fiyupa jagayächisha. ¡Gänasnëpis ni callpäpis manami cannachu! Yangami ashishcä cushicachimänanpaj, cuyapämänanpäpis.

Salmos 69:9

Rispitädu wasiqui-raycuga imamanpis chayämanmi. Contrayquicuna ashllir imata nishushayquipis nogamanmi chayamasha.

Proverbios 11:2

Alli-tucojcunaga illajpitami pengaycho ricaconga. Umildicunami ichanga yachaj ricaconga.

Proverbios 13:5

Alli runaga llullacuyta manami munanchu. Fiyu runacunami ichanga jucta pengayman churayllata, manacajman churayllata yarparaycan.

Proverbios 18:2

Mana tantiyacoj upacunaga imata yachacuytapis manami munanchu. Chaypa ruquenga yachashallanwanmi alabacun.

Proverbios 18:4

Yachaj runa parlashanga achca yacuta pashtaj pucyunömi bindisyun caycan. Yachayninpis caycan mana pishiypa aywaj achca yacunömi.

Proverbios 22:10

Fiyu runata garguriptiquega chiquinacuypis, rimanacuypis, achäquita ashipänacuypis jamangami.

Proverbios 29:16

Achca fiyu runacuna captenga jucha ruraycunapis manami pishinchu. Ichanga alli runacuna ricapaycaptillanmi fiyu runacunaga mana alliman chayanga.

1 Pedro 4:14

Jesucristuman yäracushayquipita pipis ashllir-ushashuptiqui cushicuy. Gamcunawanga caycan munayniyoj Tayta Diospa Espíritu Santunmi. [Runacuna ashllishushpayquega Jesucristutami manacajman churaycan. Gamcunami ichanga ashllishuptiquipis payman yäracuycanqui.]

1 Pedro 4:4

Cananga mana tallupaptiquinami juchallata rurajcunaga imanir jucha ruraycunata cachaycushayquitapis mana tantiyanchu. Chaymi washayquita riman.

1 Samuel 20:30

Niptinmi Saulga fiyupa rabyacurcuran Jonatanpaj. Chaymi niran: «¡Manacaj warmipa wawan! ¿imanirtaj mana musyashächu Isaïpa wamranwan amïgu cashayquita? Mamantinmi pengaypaj canqui.