Proverbios 17:15 - Tayta Diosninchi Isquirbichishan

¹⁵ Juchan musyacaycaptin mana castigajtapis, juchaynajta «juchayojmi» nejtapis ishcantami Tayta Diosga melanäcun.

Proverbios 17:15 ပူးပေါင်းရင်းမြစ်များ

1 Reyes 21:13

Ishcay llulla testïgucunatapis pusharan. Paycunana llapan runacunapa ñaupancho Nabotpa contran rimaran. «Rasunpami gamga rimashcanqui Tayta Diospa, raypa contran» nir cäraran Nabot-ta. Chayno cäraycuptin siudäpita jorguycur sajmaycällar wañuycärachiran.

Salmos 94:21

Paycunaga alli runacunapa contranmi parlacun. Juchan mana caycaptinmi wañuchinanpaj aunin.

Éxodo 23:7

Mana rasunpa cajta dimandacamuptenga ama chasquinquichu. Mana juchayoj runapaj ama ninquichu ‹Juchayojmi cayga. Wañuchun› nishpayqui. Juchaynaj runata wañuchejtaga manami perdunashächu.

Proverbios 11:1

Tayta Dios melanäcunmi suwa pësacunataga. Alli pësacunatami ichanga Tayta Dios alli rican.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Proverbios 17:26

Juchaynaj caycaptin jitapayga manami allichu. Rispitädu runata manacajpita astiypis manami allichu.

Proverbios 18:5

Autoridäcuna juchayojcunapa faburnin captenga manami allichu. Ima juchanpis mana caycaptin «juchayojmi» nir arriglaptenga manami allichu.

Proverbios 31:5

Machacurcorga laycuna niycashantapis gongaycunmanmi. Chayno gongaycorga ñacaycajcunata mananami alliga ricanganachu.

Proverbios 6:16

Sojta castata, asta ganchis castatami Tayta Diosga fiyupa melanäcun:

Isaías 5:20

Ay imanöraj canqui mana alli cajta «alli» nejcuna, alli cajtana «mana alli» nejcuna, achicyajta «chacay» nejcuna, chacaytana «achicyaj» nejcuna; ashgaj cajta «mishquej» nejcuna, mishquej cajtana «ashgaj» nejcuna.

Isaías 5:23

Gamcunaga guellay-raycumi juchayojtapis «juchaynaj» ninqui. Juchaynajtana alli arriglanayquipa ruquin «juchayojmi» ninqui.

Lamentaciones 3:35

Tayta Diosga manami munanchu pï runatapis manacajman churananta.

Ezequiel 13:19

Gamcunaga acrashä runacunata llullapar engañashpayquimi juc ishcay aptay sebädata, juc ishcay amuy tantata chasquinayqui-cashalla manacajman churaycämanqui. Chaymi cawananpaj caycaj runacunata engañar «wañunquipänami» niycanqui; wañunanpaj caycaj runacunatana «cawanquipämi» niycanqui. Chayno engañashayquitami paycunaga riguircaycan.

Amós 5:12

Noga musyaycämi maychicata mana allicunata rurashayquitapis. Musyaycämi juchata rurashayquicunata. Juchaynaj alli runacunata ñacarcaycächinqui. Pägashushayqui saynitapis pacayllapa chasquiycanqui. Autoridäcunapa despächunchöpis pobricunapa dimanduntaga mana bälichinquichu.

Amós 5:7

Ay wawallau, gamcunaga laycunata mana allimanmi ticrachinqui. Nircurpis manacajmanmi churanqui.

Amós 6:12

¿Cawallucuna purinmanchuraj gagapa? ¿Gagacho yapyashwanchuraj? Chaura ¿imanirtaj gamcunaga layta benënumanno ticrachishcanqui? ¿Imanirtaj autoridäcuna alli arriglananpaj cajtapis ticrachishcanqui fiyupa ashgajmanno?

Romanos 4:5

Tayta Diosninchïmi ichanga alli ricamanchi mana imatapis arushanchïpitachu, manami imatapis rurar cawashanchïpitachu. Chaypa ruquenga payllaman yäracuptinchïmi alli ricamanchi.

Deuteronomio 25:1

«Piwanpis rimanacorga ishcan aywanga autoridäman. Chaychörämi autoridäcuna juchaynaj cajta libri cacharir juchayoj cajta castiganga.

Santiago 5:6

Alli runacunatami fiyupa ñacachishcanqui. Waquintaga chapacuyta mana yachaptin wañuchishcanqui.