Proverbios 17:14 - Tayta Diosninchi Isquirbichishan

¹⁴ Rimanacuyman chayayga lloglla shamojpitapis mas piyurmi. Rimanacuyman chayanayquipa ruquenga witicuy.

Proverbios 17:14 ပူးပေါင်းရင်းမြစ်များ

2 Samuel 19:41

Chaypita llapan Israel runacuna aywaran ray cajman. Aywaycärir niran: «¿Imanirtaj Judá runacunallaga gamta, famillyayquicunata suldäruyquicunata Jordán mayuta päsachishunqui?»

2 Crónicas 13:17

Abiamga pillyäshej runacunawan aypallata wañuycachiran. Israelcunaga pillyay yachajlla wañuran pichga pachac waranga (500,000).

2 Crónicas 28:6

Remaliaspa wamran Peka Judá runacunata juc junajllacho wañuchiran pachac ishcay chuncan waranga (120,000) runacunata. Wañojcunaga caran jinyucunalla. Chaynöga caran unay caj awiluncuna rispitashan Tayta Diosta gongaycärishanpitami.

Proverbios 13:10

Alli-tucojcunaga pitapis chiquinacuyllachömi cawachin. Willapashanta wiyacojcunami ichanga yachaj runa.

Proverbios 14:29

Jinan öra mana rabyaj runaga alli yarpayniyojmi. Jinan öra rabyacurcojmi ichanga upa mana tantiyaj cayninta musyachicun.

Proverbios 15:1

Alli shimillanpa cuticherga rabyaycajtapis allchacächinmi. Tuscu shiminpa cutichirmi ichanga masta rabyachin.

Proverbios 16:32

Alli chölu-tucuypitaga mas alli pasinsacuymi. Llapan marcapa mandajnin cananpitaga mas alli caycan quiquinraj alli duminacuyta yachashanmi.

Proverbios 17:19

Rimanacoj yachacashaga imaypis pillyallatami ashiycan. Alabacojcunaga quiquillanmi mana alliman chayan.

Proverbios 19:11

Yarpaysapa runaga imapitapis pasinsacunmi. Achäquita ashipajcunatapis perdunanmi.

Proverbios 20:3

Piwanpis mana rimanacoj runaga alli rispitashami. Mana tantiyacoj runami ichanga piwanpis juclla rimanacun.

Proverbios 25:8

jucllaga ama dimandaj aywanquichu. Runa-masiqui «manami chaynöchu» nishuptiquega gam pengaychömi quëdanquipaj.

Proverbios 26:21

Carbunwanrämi ninaga shanshan. Yantawanrämi ninapis ratan. Chaynömi washa-rimacunapis pitapis rimanacachiyta, pillyachiyta gallarachin.

Proverbios 29:22

Imallapitapis juclla rabyacäcoj runaga pï-maywanpis jucllami rimanacun. Chayno cashpanmi llutancunata ruran.

Romanos 12:18

Gamcunaga puydishayquiman-tupu llapanwan ima-aycanöpapis alli caway-llapa.

1 Tesalonicenses 4:11

Piwanpis mana rimanacuyllapa caway-llapa. Runa imano cawacushantapis ricapar ama puriychu. Chaypa ruquenga yachachishänölla ima aruyllachöpis aruy.