Proverbios 17:12 - Tayta Diosninchi Isquirbichishan

¹² Mana tantiyacoj upa runa imata rurananpäpis yarparaycajwan tincunanchïpa ruquenga mas allimi canman wawanta suwapaycuptin fiyupa rabyasha caycaj ösuwan tincushapis.

Proverbios 17:12 ပူးပေါင်းရင်းမြစ်များ

2 Samuel 17:8

Gamga musyanquimi papäniqui, yan'guincuna pillyay yachaj cashanta. Cananga wawan guechusha ösu-japuypis fiyupa rabyashami caycanga. Jinachöpis papäniquega pillyay yachacashami. Chaymi waquinwan iwalga mana puñongachu.

2 Reyes 2:24

Niptin Eliseoga paycuna cajman ricärir Diospa jutincho «mana alli chayashunqui» niran. Chaura jinan öra muntipita ishcay ösucuna llojshiraycamur rachir-ushariran chuscu chunca ishcaynin (42) wamracunata.

Proverbios 17:11

Mana wiyacöga imay örapis pillyallatami ashiycan. Chayno cashanpitami mana cuyapaypa ñacachicoj runawan tinconga.

Proverbios 27:3

Aguwan rumiga fiyupami lasan. Chaycuna lasashanpis manami tincunchu mana tantiyaj upa rabyashanmanga.

Proverbios 28:15

Pobri runacuna tiyashancho fiyu runa mandaj carga caycan yargaypita gaparaycaj liyunnömi, yargaycaj ösunömi.

Proverbios 29:9

Mana tantiyaj upa runawan yachaj runa rimanacorga imatapis manami jorgongachu. Yachaj runataga manacajman churarmi asipanga.

Oseas 13:8

Ösu wawanta ograycur fiyupa rabyasha ashejnömi gamcunamanga shamushaj. Chaychömi pëchupita charir rachirgärishayqui. Liyun micucurcojnömi jinancho usharishayqui. Micucoj jirca animalnömi rachir-usharishayquipaj.

Mateo 2:16

Chay goyllar estudyajcuna Herodes cajpa manana cutiptin fiyupa rabyaran «engañamasha» nir. Chaymi yuparan goyllar imaypita yurishantapis willashanta. Nircur suldäruncunata cacharan Belencho cajta, altu jircancunacho cajtapis llapan ollgu wamracunata wañuchinanpaj. Ollgu cajtaga ushajpämi wañuchiran itipita ishcay watayojcama.