Proverbios 16:9 - Tayta Diosninchi Isquirbichishan

⁹ Runaga imata rurananpäpis yarpachacun. Chaypis Tayta Diosrämi camacächin imano cananpäpis.

Proverbios 16:9 ပူးပေါင်းရင်းမြစ်များ

2 Crónicas 22:7

Ocozías wañuyta tariran Joramta watucoj aywashanchömi. Ocozías chayaycuptin Joramga ishcan aywaran Nimsipa wamran Jehüwan tincoj. Jehüta Tayta Dios mayna acrasha caran Acab famillyata wañuchinanpaj.

Salmos 37:23

Tayta Diosmi runataga alli caminullapa pushan. Allilla goyaptin Tayta Diosga cushicunmi.

Proverbios 16:1

Runaga imata ruraytapis yarpanmi. Chaypis Tayta Diosrämi camacächin.

Proverbios 16:8

Ichicllatapis quiquin ñacar tarishanmi mas alliga engañayllapa ima-aycatapis shuntashanpitaga.

Proverbios 19:21

Runaga ima-aycata ruraytapis yarpanmi. Chaypis Tayta Dios camacächishan cajllami camacan.

Proverbios 20:24

Tayta Diosmi runa imano cawananpäpis camacächin. Quiquin runaga manami musyanchu imanöpaj distïnun cashantapis.

Proverbios 21:1

Tayta Diospa ñaupancho rayga caycan sicyapa yacu aywajnömi. Tayta Diosmi munashanpa pushan.

Proverbios 21:30

Tayta Diospa ñaupanchöga runa may-jina yachaj cashanpis yangami. Allita yarpashanpis, ni alli yarpayniyoj cashanpis manacajllami.

Isaías 46:10

Nogami gallarinanpita-pacha willacachë imano cananpaj cashantapis. Shamoj watacunacho ima cananpaj cajtapis achca wata pishiycaptillannami willacachë. Ruranäpaj yarpaycashäcunaga rasunpa llapanmi cumlenga. Rurayta munashä cajtaga llapantami rurashaj.

Jeremías 10:23

Tayta Dios, runaga distïnun imano cashantapis manami musyanchu. Runaga manami musyanchu imaycama ni imano cawananpaj cashantapis.

1 Samuel 9:16

«Wara cayno örami juc runata Benjamín trïbupita cachamushaj. Paytami churanqui acrashä Israelcunapa raynin cananpaj. Paymi salbanga Filistea runacunapita. Filistea runacuna ñacachiptin mañacamashanta wiyashcänami. Acrashä runacunataga cuyapashcänami.»