Proverbios 16:8 - Tayta Diosninchi Isquirbichishan

⁸ Ichicllatapis quiquin ñacar tarishanmi mas alliga engañayllapa ima-aycatapis shuntashanpitaga.

Proverbios 16:8 ပူးပေါင်းရင်းမြစ်များ

Salmos 37:16

Aypallata chararpis fiyu runa cananchïpa ruquenga pobrilla carpis alli runa caymi mas alliga.

Proverbios 15:16

Pobrilla carpis Tayta Diosllata manchacur rispitaymi mas alliga, aypalla ima-aycayojpis caycar llaquisha goyänanchïpa ruquenga.

Proverbios 15:17

Cuyanacur goyashaga yacu calullapis mishquinmi. Aychapis manami mishquinchu mishiwan allgu goyajno goyashaga.

Proverbios 16:7

Tayta Dios munashanno runa cawar alli goyaptenga chiquipajcunawanpis allina goyänanpämi camacächin.

Proverbios 16:9

Runaga imata rurananpäpis yarpachacun. Chaypis Tayta Diosrämi camacächin imano cananpäpis.

Proverbios 17:1

Shuntacaycur achca alli micuyta micurpis rimanacullar goyänanpitaga mas allimi chucru tantata micullarpis cushisha goyaptenga.

Proverbios 28:6

Pobrilla carpis allillata rurar cawashanmi mas alli caycan rïcu caycar llutancunallata rurar cawananpitaga.

Eclesiastés 4:6

Nogami ichanga në: «Mana jamaypa arushanchïpitaga mas allimi ichicllatapis jamaycuyga» nir. Chaycunapis caycan yanga-yupayllami, wayrata chariyta munashanchïnöllami.

Jeremías 17:11

Engañayllapa rïcuyaj runaga caycan chacwa jucpa runtunta ogllajnömi. Mana yarpashapitami llapan riquësancuna cachayconga. Chaura ushanantaga pasaypa pobrimi ricaconga.

Miqueas 6:10

Fiyu runacunapa wasinchöga ima-aycanpis caycan mana allita rurar shuntashallanmi. Chaynöpis chaychöga caycan chiquishä caj suwa tupullami.