Proverbios 16:24 - Tayta Diosninchi Isquirbichishan

²⁴ Alli shimillanpa parlashanga urunguypa mishquinnörämi. Alli goyaypämi shacyächicun.

Proverbios 16:24 ပူးပေါင်းရင်းမြစ်များ

Salmos 119:103

Shimëchöga mil-abëjapa mishquinpitapis masmi mishquëman palabrayquega.

Salmos 19:10

¡Diospa palabranga lijïtimu goripitapis mas allimi! ¡Abëjapa mishquinpitapis mas mishquejmi!

Proverbios 12:18

Waquin runapaga gayapashan nanayparämi chayaycun. Yachaj runacuna rimashanmi ichanga jampino cushicachin.

Proverbios 15:23

Tapucushanta alli cuticherga cushicunmi. Camacashan öra alli willapashanpis mas allimi.

Proverbios 15:26

Mana allita rurayta yarpajcunataga Tayta Dios melanäcunmi. Allillata yarpar parlaj runacunami ichanga cushicachin.

Proverbios 17:22

Cushishalla goyajcunaga sänumi cawan. Llaquishalla goyajcunapami ichanga gänasnin imapäpis mana canchu.

Proverbios 23:16

Rasunpa alli cajcunallata parlajta wiyaptë shongöpis fiyupami cushiconga.

Proverbios 27:9

Cuyayllapaj perfümiwan pichucuriptenga shongupis cushicurinmi. Amïgun allita willapaptenga shongunpis achicyärinmi.

Proverbios 3:8

Chayno allita ruraptiquega cuerpuyquipis sänumi cangapaj; sinchimi canquipaj.

Proverbios 4:22

Willapashäcunami wiyacojcunataga alli goyayta tarichin.

Eclesiastés 12:10

Rimaycunata sumaj camacächiran. Camacarcachirna rimaycunataga sumaj alli isquirbiran.

Cantares 4:11

Cuyaynë, shimi wirpayquega mishquinörämi. Muchacuyniquipis lëchiwan mishqui caycajnörämi. Röpayquipis Libanucho caycaj muntipa asyayninnörämi cuyayllapaj asyan.

Jeremías 15:16

Palabrayquita nogaga micucurcurämi. Chay palabrayqui nogapäga allimi caran; cushicachimajmi. Munayniyoj Tayta Dios, nogaga gamllapanami caycä.

Deuteronomio 32:2

Yachachicuynëga tamyanömi runacunaman chayanga. Willapashäga shullaynömi, jachaman chirapa chayajnömi, tajtacho shullay caycajnömi canga.

Apocalipsis 10:10

Chaymi anjilpita chasquircur rölluta micucurcurä. Micuptëga fiyupa mishquiran. Pachächömi ichanga fiyupa ashgämuran.