Proverbios 16:21 - Tayta Diosninchi Isquirbichishan

²¹ Allita yarpachacojcunataga «yarpaysapa» ninmi. Cuyachicuypa parlarga masrämi pitapis aunichin.

Proverbios 16:21 ပူးပေါင်းရင်းမြစ်များ

1 Reyes 3:12

Chaymi mañacamashayquino yanapäshayqui alli tantiyacoj y yachaj canayquipaj. Gam yachaj cashayquinöga manami pipis yachaj cashachu ni cangapischu.

Salmos 45:2

Gamga llapan runacunapitapis mas cuyayllapämi canqui. Maysi wiyacuylla allillami parlanqui. Chaymi Tayta Diosga imaycamapis bindisyunta goycäshunqui.

Proverbios 10:13

Yachajcuna parlashanchöga fiyupa yachaycunallatami wiyanchi. Mana tantiyacojcunami ichanga mana wiyacushanpita wirucanga.

Proverbios 10:23

Mana tantiyacoj upacunaga juchata rurar cushicunmi. Yachaj runami ichanga yachaj cayninwan cushicun.

Proverbios 10:8

Yachaj runacunaga willapashancunata llapantami tantiyacun. Mana tantiyar llutanta rimajcunami ichanga ushacaypa aywan.

Proverbios 15:7

Yachajcunaga allita yarpashantami willapäcun. Mana tantiyajcunami ichanga llutallanta yarpan.

Proverbios 16:22

Alli yarpayniyoj cashanga cawachicoj yacunömi. Mana tantiyacojcunata yachachiyga manacajllapämi.

Proverbios 23:15

Ïju, gam sumaj yachaj cayman chayaptiqui nogaga fiyupami cushicushaj.

Proverbios 27:9

Cuyayllapaj perfümiwan pichucuriptenga shongupis cushicurinmi. Amïgun allita willapaptenga shongunpis achicyärinmi.

Eclesiastés 12:10

Rimaycunata sumaj camacächiran. Camacarcachirna rimaycunataga sumaj alli isquirbiran.

Isaías 50:4

Tayta Diosga yachachimasha uticasha caycajcunata shacyächir cushicachinäpämi. Tayta Dios nimashanta masta-masta tantiyacunäpämi cada tuta wiyaj wiyajlla caycächiman.

Oseas 14:9

Yachaj cajcunaga, yarpaysapa cajcunaga cay willacuyta tantiyachun. Tayta Diospa caminunga derëchumi. Alli runacunaga chaypami purin. Juchasapacunami ichanga chay caminucho tacacan.

Mateo 11:25

Chay öra Tayta Diosta alabar Jesús niran: «Syëluchöpis cay pachachöpis munayniyoj caycaj papä, gamta alabä yarpaycashayquita yachaj-tucojcunata mana musyachishayquipitami. Chaypa ruquenga wamrano cajcunallatami tantiyachishcanqui.

Lucas 4:22

Chaycho caycaj runacunaga Jesuspaj alli parlarcaycaran. Imano willapashancunapitapis almirasha carcaycaran. Chaymi ninacurcaycaran «Tagayga ¿manachu Josëpa wamran?» nir.

Juan 7:46

Chaura suldärucuna niran: «¡Pay rimashantano rimajtaga manami imaypis wiyashcächu!»

Romanos 16:19

Chay llutan yachachicojcunata mana chasquipashayquitaga may-chaychöpis yäracoj-masinchicuna musyanmi. Nogaga munä alli cajcunata ruranayquipaj sumaj tantiyacoj canayquitami y mana alli cajcunata mana ruranayquipämi.

Santiago 3:17

Tayta Diosninchi yachayta goptinmi ichanga Tayta Dios munashanno goyan. Chauraga pï-maywanpis allimi goyan, cuyacunmi, alli shongumi, cuyapäcunmi. Manami ishcay quimsataga yarpanchu, manami janan shongullachu. Allillatami ruran.