Proverbios 15:9 - Tayta Diosninchi Isquirbichishan

⁹ Fiyu runacuna llutanta rurar goyashantaga Tayta Dios fiyupa melanäcunmi. Tayta Dios munashanno goyaj runacunatami ichanga cuyan.

Proverbios 15:9 ပူးပေါင်းရင်းမြစ်များ

Salmos 1:6

Juchaynajcunataga alli nänipa pushar Tayta Diosmi alli cawayman chayachin. Fiyu runacunatami ichanga quiquin purishan nänicho usharenga.

Salmos 11:7

Tayta Diosga juchaynajmi. Chaymi allita ruraj runacunataga cuyan. ¡Allillata rurajcunaga Tayta Diostami ricanga!

Salmos 139:24

Rurashäcuna mana alli captenga tantiyachimay ari. Nircur yachachimay gam munashayquino cawanäpaj.

Salmos 5:5

Alli-tucojcunaga manami ñaupayquimanpis chayamongachu. Gamga chiquinquimi mana allita rurajcunataga.

Proverbios 15:10

Allita ruraycashanpita cachaycojcunataga fiyupa castigarmi piñacun. Piñacushanta mana wiyacojcunami ichanga wañonga.

Proverbios 21:21

Alli cajta rurajcuna, cuyapäcoj cajcunaga alli cawaytami tarenga, y pï-maypis rispitangami.

Proverbios 21:4

Manacajman churaypis, yachaj-tucuypis, mana allita yarpaypis juchami.

Proverbios 21:8

Fiyu runaga juchallatami ruran. Alli runa rurashanmi ichanga llapanpis alli.

Proverbios 4:19

Juchasapacuna mana alli goyashanmi ichanga caycan fiyupa manchacuypaj yanauyaycaj chacayno. Chay runacunaga manami musyanchu imaman tacacushantapis.

Proverbios 8:13

Tayta Diosta rispitaj runaga mana alli cajcunata llapantami chiquin. Nogaga chiquëmi alli-tucojta, jucha aparicojta, llapan llullacojta.

Isaías 26:7

Tayta Dios gammi camacächinqui wiyacushoj runa allilla purinanpaj.

Isaías 51:1

Tayta Diosmi cayno nin: «Allita rurar cawayta munajcuna, Noga nishäno rurayta munajcuna wiyamay. Masqui tantiyacuy maynin gagapita jorgusha cashayquitapis, maynincho caycaj rumicunapita llojshimushayquitapis.

Isaías 51:7

«Alli caj imano cashantapis musyajcuna, yachachishäcunata ruraj runacuna wiyamay. Runacuna tucuyta nishuptiquipis ama llaquicuychu. Ashllishuptiquipis ama jagayaychu.

Jeremías 44:4

Nogaga sirbimaj profëtäcunata yaparir-yaparirmi cachamushcä melanashäcunata mana rurananpaj willachishpä.

Oseas 6:3

Tayta Diosman cutishun ari. Cutiptinchëga Tayta Diosmi noganchïman shamongapaj. Inti waran-waran yagamushannöpis Payga rasunpami shamonga. Jachacuna chillguinan wichan, waytanan wichan imaypis tamya tamyashanno rasunpami shamonga.

Habacuc 1:13

Gamga limyu juchaynaj cashpayquimi mana alli ruraycunataga mana munanquichu. Runa-masinta ñacaycächejtaga manami ricapaycanquimanchu. Chayno caycarga ¿imanirtaj mana rimapayllapaga ricapaycanqui chay wañuchicojcunata? ¿Imanirtaj upällalla cacunqui chay fiyu runacuna alli runacunata illgaycächiptinpis?

Mateo 7:13

«Ishcay puncumi caycan. Anchu cajpa yaycojcunaga jatun caminupa aywarcaycan infiernumanmi. Aypallanpami chaypaga aywarcaycan.

Deuteronomio 7:13

Chauraga gamcunata cuyashushpayquimi unay caj famillyayquicunata aunishan nasyunman chayachishunquipaj. Chaychömi paypa bindisyunninwan wamrayquicunapis achca canga; chacrayquicunapis sumaj wayonga; micuyniquipis achca canga; bïnuyquipis mana pishengachu; asëtiquipis mana ushacangachu; wäcayquicuna, uyshayquicuna, cabrayquicunapis aypallaman miranga.

1 Timoteo 6:11

Timoteo, gamga Tayta Diosta sirbejmi canqui. Llapan mana alli ruraycunapita witicuy; Tayta Diosninchi munashallanta ruray; payllaman yäracuy; cuyapäcuy; pasinsacuy; ama alli-tucuychu.

2 Timoteo 2:22

Waquin mösucuna mana allita yarpar llutanta rurashannöga ama ruraychu. Chaypa ruquenga Jesucristo munashanno goyaj ermänucunano allillata ruranqui. Tayta Diosninchïman yäracunqui. Pï-maywanpis cuyanacunqui. Pï-maywanpis alli ricanacunqui.