Proverbios 15:28 - Tayta Diosninchi Isquirbichishan

²⁸ Alli runaga imano cutichinanpäpis sumajrämi yarpachacun. Fiyu runami ichanga juclla shimin tarishanta tucuyta riman.

Proverbios 15:28 ပူးပေါင်းရင်းမြစ်များ

Salmos 59:7

Shimin tarishantami rimarcaycan. Pipis mana wiyashanta yarparmi pï-maytapis ashllin.

Proverbios 10:19

Achcata rimajcunaga llutantapis rimanmi. Yachajcunami ichanga alli cajcunallata rimarcur upällacun.

Proverbios 10:32

Alli runaga maysi wiyaparäcuyllami parlan. Fiyucunami ichanga mana allicunallata riman.

Proverbios 13:16

Alli yarpayniyojcunaga sumaj tantiyaycurmi imatapis ruran. Mana tantiyacojcunami ichanga upa cayninta musyachin.

Proverbios 15:2

Yachajcuna parlajta wiyarga allimi yachacun. Mana tantiyajcuna parlarga manacajcunallatami riman.

Proverbios 16:23

Yarpaysapacunaga sumaj yarpachacurcurmi imatapis riman. Parlashancunaga allimi tantiyachicun.

Proverbios 29:11

Mana tantiyaj upa runa rabyarga llapan yarpashantami riman. Alli tantiyaj runami ichanga rabyarpis rabyan rätulla.

Proverbios 29:20

¿Mana yarpachacuypa parlaj runata wiyashcanquichu? Chayno runapitaga mana tantiyacoj upa runapis allirämi canman.

Eclesiastés 5:2

Juclla imatapis Tayta Diosta ninayquipa ruquenga yarpachacuriyraj. Musyashayquinöpis Tayta Diosga syëluchömi caycan, gamga cay pachallachömi. Chaymi upällacunqui imatapis mana rimanayquipaj.

Eclesiastés 5:6

Chayno manacajpaj auniptiquega shimiquimi juchata ruraycächishunqui. Tayta Diospa cachanta ama ninquichu «mana musyaynëpami aunishcä» nir. Chayno nerga Tayta Diosta fiyupami rabyachinqui. Chauraga Pay castigashunquipämi.

Mateo 12:34

¡Culebra casta runacuna! Yarpayniqui mana alli caycaptenga ¿allita parlanquimanchuraj? Runaga shongun yarpashantami parlan.

1 Pedro 3:15

Chaypa ruquenga Tayta Jesucristuman yäracur pay munashanno caway. Imaypis camaricushalla carcaycay «Jesucristuman, aunishancunaman ¿imanirtaj yäracunqui?» nir tapushuptiqui tantiyachinayquipaj.

2 Pedro 2:18

Paycunaga alabacurmi yachaj-tucur imatapis parlan. Juchancunapita chayraj arpinticojcunatami shimita gon llutancunata rurananpaj.