Proverbios 15:12 - Tayta Diosninchi Isquirbichishan

¹² Mana rispitacojcunaga pï piñacuptinpis manami wiyacunchu. Yachajcunawan goturpaytapis manami munanchu.

Proverbios 15:12 ပူးပေါင်းရင်းမြစ်များ

2 Crónicas 18:7

Chaura Israelpa raynenga Josafat-ta niran: «Caycanrämi Imlapa wamran Micaías. Paytapis Tayta Diosta tapucachishwanmi. Ichanga imaypis mana allillatami willaman. Chaypitami chiquë.» Chaura Josafat niran: «Ama chaynöga rimaychu.»

Job 21:14

Diostanami nin: ‹Nogacunataga ama rimapämaychu. Manami layniquicunata musyaytapis munächu.

Proverbios 1:22

«Mana tantiyacojcuna, ¿imaycamaraj llutancunallapaj yarparaycanqui? Pitapis mana cäsoj mösucuna, ¿imaycamaraj pï-maytapis asipar cushipanqui? Yarpayniynaj mösucuna, ¿imaycamaraj yachaj caytapis manacajman churarcaycanqui?

Proverbios 13:1

Alli yachaj wamraga papänin willapashancunata wiyacunmi. Mana rispitacojcunami ichanga piñacushantapis mana wiyacunchu.

Proverbios 14:6

Mana rispitacoj runaga yachaj cayta munarpis manami camäpacunchu. Alli tantiyacoj runami ichanga juclla imatapis yachacurin.

Proverbios 15:10

Allita ruraycashanpita cachaycojcunataga fiyupa castigarmi piñacun. Piñacushanta mana wiyacojcunami ichanga wañonga.

Amós 5:10

Israelcuna gamcunaga dimanduta alli arriglaj cajta chiquinquimi. Rasun cajta rimaj testïgutaga manami rimanantapis munanquichu.

Juan 7:7

Gamcunataga runacuna manami chiquishunquichu. Nogatami ichanga chiquiman juchayoj cashanta niptë.

2 Timoteo 4:3

Chayamongapämi Tayta Diosninchïpa willacuyninta runacuna mana wiyayta munanan timpu. Chaypa ruquenga paycuna achca yachachicojcunata ashenga quiquincuna munashan cajllata yachachinanpaj.