Proverbios 15:10 - Tayta Diosninchi Isquirbichishan

¹⁰ Allita ruraycashanpita cachaycojcunataga fiyupa castigarmi piñacun. Piñacushanta mana wiyacojcunami ichanga wañonga.

Proverbios 15:10 ပူးပေါင်းရင်းမြစ်များ

1 Reyes 18:17

Tincurcur Eliasta niran: «Gammi juchayoj caycanqui Israel runacuna chay-jinanpa ñacananpaj.» Niptin Elías niran:

1 Reyes 21:20

Eliasta Acab niran: «Conträ, tariycamanqui ¿au?» Chaura Eliasga niran: «Au tarishcämi. Tayta Diosta mana wiyacur gamga fiyupa mana allicunallatami ruraycanqui.

1 Reyes 22:8

Chaura Israelpa raynenga Josafat-ta niran: «Mas juc caycanrämi. Paywanpis Tayta Diosta tapucushwanmi. Payga Imlapa wamran Micaiasmi. Payga imaypis mana allillatami willaman. Chaypitami chiquë.» Chaura Josafat niran: «Ama chaynöga niychu.»

Job 34:27

Castigan mana wiyacuyta munajcunata, imano rurananpaj nishantapis mana cumlejcunata.

Salmos 50:17

Gamcunataga manami gustashunquichu noga piñacushä. Imano ruranayquipaj nishätapis manami cumlinquichu.

Proverbios 1:25

Chaypa ruquenga willapashäcunatapis manami wiyacushcanquichu. Piñacur tantiyachishäcunatapis manami chasquicushcanquichu.

Proverbios 1:30

Tantiyachiptëpis manami tantiyacushcanquichu. Piñacur willapashäcunatapis manacajmanmi churashcanqui.

Proverbios 10:17

Corrijishanta wiyacur chasquicojcunaga alli cawaytami tarin. Mana wiyacojcunami ichanga mana alliman chayan.

Proverbios 12:1

Corrijiptin wiyacur alli tantiyacöga yachaj caytami munan. Piñacuptin mana wiyacojmi ichanga mana tantiyacoj upa.

Proverbios 13:1

Alli yachaj wamraga papänin willapashancunata wiyacunmi. Mana rispitacojcunami ichanga piñacushantapis mana wiyacunchu.

Proverbios 15:11

Tayta Diosga ricaycanmi wañojcuna maycho caycashantapis. Chayno ricaycarga runa yarpashancunata ¿imanirtaj mana ricanmanchu?

Proverbios 15:9

Fiyu runacuna llutanta rurar goyashantaga Tayta Dios fiyupa melanäcunmi. Tayta Dios munashanno goyaj runacunatami ichanga cuyan.

Proverbios 23:35

Ninquipaj: «Magamaptinpis manami nanämashachu. Astimashantapis manami mayashcächu. Paucarcorga yapaymi upyaj aywashaj» nir.

Proverbios 5:12

Chayrämi ninquipaj: «Imanir-raj willapämashancunata manacajman churarä. Piñacamaptin, imanir-raj mana wiyacurächu.

Jeremías 2:17

Chaynöga rurasha-cashunqui Noga Tayta Diosniqui caycaptë, caminunpapis pushaj caycaptë cachaycäramashayquipitami.

Ezequiel 33:9

Chay mana allita ruraj runa ruraycashanta cachaycunanpaj willapaycaptiqui mana cachaycuptenga chay runa quiquinpa juchanpitami wañonga. Chaura gamga manami wañunquipächu.

Juan 3:20

Pipis juchata ruräga achquino shamojta chiquinmi chacajchöno juchayoj cashan mana musyacänanpaj.

Juan 7:7

Gamcunataga runacuna manami chiquishunquichu. Nogatami ichanga chiquiman juchayoj cashanta niptë.