Proverbios 14:8 - Tayta Diosninchi Isquirbichishan

⁸ Yachaj runataga yachashanmi tantiyachin imano goyaycashantapis. Mana tantiyacojcunatami ichanga upa caynin llutanman apan.

Proverbios 14:8 ပူးပေါင်းရင်းမြစ်များ

Salmos 111:10

Rasunpa yachaj canapäga rimëru Tayta Diostami rispitaypaj. Tayta Diosta rispitajcunaga alli yarpayniyojmi. ¡Tayta Diosga imaypis alabashami canga!

Salmos 119:5

¡Ima alliraj canman layniqui nishanta cumliptë!

Salmos 119:73

Quiquiquimi ruramashpayqui formacächimarayqui. Yarpayta goycamay ari mandamintuyquicunata yachacunäpaj.

Salmos 143:8

Nogaga gammanmi yäracamö. Chaymi musyachimay tutapaga cuyamashayquita. Nogaga imata yarpashätapis gamtami willapä. Chaymi tantiyaycachimay imano goyänäpäpis.

Proverbios 11:18

Fiyucuna mana allita rurar gänashanga manacajnöllami ushacäcun. Alli runacunami ichanga imatapis mana ushacajta chasquenga.

Proverbios 12:5

Alli runacunaga alli cajcunallatami yarpan. Fiyucuna yarpashanmi ichanga llapanpis manacajlla.

Proverbios 15:21

Mana tantiyacoj runaga upa cayninwan llutanta rurashanpitapis cushicunmi. Alli yarpayniyoj runami ichanga mana pantaypa alli cawan.

Proverbios 2:9

Chauraga musyanquipämi alli cajtapis, rasun cajtapis. Tayta Dios munashanno goyaytapis musyanquipämi.

Proverbios 8:20

Nogaga llapantapis alli cajllatami camacächë. Alli cajta rurayllachömi goyä.

Eclesiastés 2:13

Chaymi tantiyacushcä chacaypita achicyaj mas alli cashannöpis mana tantiyacoj upa caypitaga yachaj cay mas alli cashanta.

Eclesiastés 2:16

Wañuptenga yachajtapis ni mana tantiyacoj upatapis pipis manami yarpanganachu. Achca wata päsaptenga llapantanami gongaycun. Yachajcunapis mana tantiyacoj upacunapis iwal-llami wañun.

Jeremías 13:20

Tayta Dios nin: «Jerusalencho tiyajcuna, sumaj ricchacuy pï aywaycämushantapis. Contrayquicunami norte caj-läpita aywarcaycämun. Mandanayquipaj cachapäshushayqui runacunata maquiquicho charararmi alli-tucurayqui. Cananga ¿maytaj chay runacuna?

1 Corintios 3:19

Yachaj-tucoj runacunataga Tayta Diosninchi manacajmanmi churangapaj. Palabranchöpis caynömi niycan: «Tayta Diosga yachajcunata quiquin yarpashallanwanmi pengayman churan.»

Efesios 4:22

Chaymi juchata rurar ñaupata cawashayquinöga amana cawaynachu. Llutan yarpayniqui engañashushayquita cachaycuy.

Efesios 5:17

Mana tantiyacoj runanöga ama cawaychu. Chaypa ruquenga Diosninchi munashanno cawanayquipaj sumaj tantiyacuy.

2 Timoteo 3:13

Fiyu runacuna y engañajcunaga mas mana allimanmi chayanga. Waquinta engañanga y quiquincunatapis jucga engañangami.

Santiago 3:13

Maygayquipis yachaj y tantiyaj carga mana yachaj-tucuyllapa alli goyäcuy. Allicunallata ruraptiquirämi yachaj cashayqui musyacanga.