Proverbios 14:7 - Tayta Diosninchi Isquirbichishan

⁷ Mana tantiyacoj runataga ama gotuparaychu. Chayno runawan goturarga manami ima allitapis yachacunquipächu.

Proverbios 14:7 ပူးပေါင်းရင်းမြစ်များ

Proverbios 13:20

Yachaj runacunawan goturarga yachaj caytami yachacunqui. Mana tantiyaj upacunawan goturarmi ichanga pirdicar mana allimanna chayanqui.

Proverbios 14:6

Mana rispitacoj runaga yachaj cayta munarpis manami camäpacunchu. Alli tantiyacoj runami ichanga juclla imatapis yachacurin.

Proverbios 19:27

Ïju, llapan corrijishushayquita wiyacuy. Mana wiyacorga llutan caminupami purinquipaj.

Proverbios 23:9

Mana tantiyacojcunataga ama willapaychu. Yachaj cayniquiwan allita willapaptiquipis asipäshunquipämi.

Proverbios 9:6

Ama ruraynachu mana allitaga. Chayrämi alli cawanquipaj. Yarpaysapa runano alli goyay» nir.

Jeremías 28:11

Paquiycashan öra llapan runacunapa ñaupancho cayno niran: «Tayta Diosga nin: ‹Babiloniapa raynin Nabucodonosor yügunta llapan nasyuncunaman churashantaga cananpita ishcay watata caynömi paquir-usharishaj.› » Chaypita Jeremiasga aywacuran.

1 Corintios 5:11

Chaypa ruquenga niycä «Jesucristuman yäracö» niycar ollgupis warmipis jucwan-jucwan puricojcunawan, imapäpis yargajcunawan, ïdulucunaman yäracojcunawan, washa-rimacunawan, burrächucunawan, suwacunawan mana gotucänayquipämi. Chayno runacunawanga micunallayquipäpis ama gotucaychu.

Efesios 5:11

Tayta Diosta mana wiyacoj runacuna llutancunata ruraptinpis gamcunaga ama paycunano ruraynachu. Chaypa ruquenga llutan ruraycashanta tantiyachiy.