Proverbios 14:26 - Tayta Diosninchi Isquirbichishan

²⁶ Tayta Diosta manchacöga Paymanmi yäracun. Chaymi paytapis wamrancunatapis Tayta Diosga yanapan.

Proverbios 14:26 ပူးပေါင်းရင်းမြစ်များ

Génesis 31:42

Abrahamwan papänë Isaac rispitashan Dios mana yanapämaptenga capaschari gamga chayamushätano jinayllatapis gargaramanquiman caran. Ichanga Diosmi ricasha imano ñacashätapis, imano arushätapis. Chaynöpami ganyan chacaypis Diosga piñacusha-cashunqui.»

Salmos 112:1

¡Aleluya! ¡Tayta Diosga alabasha cachun! Cushishami cawanga Tayta Diosta rispitaj cäga, mandamintuncunata cumlej cajpis.

Proverbios 14:27

Tayta Diosta rispitar manchacöga alli cawaytami tarin. Chayno rispitäga wañuypitapis gueshpishanami.

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Proverbios 19:23

Tayta Diosta rispitar manchacoj cäga alli cawaytami tarin. Chaynöpami alli goyan. Manami imamanpis chayanchu.

Proverbios 20:7

Allita ruraj runaga allita rurallarmi goyan. Chayno alli runapaga wamrancunapis cushishami goyanga.

Eclesiastés 7:18

Chaymi mana tantiyaj upa canayquipa ruquenga rasunpa yachay cajta ashiy. Tayta Diosta rispitaj cäga imachöpis allimi llojshenga.

Isaías 33:6

Paymi imapitapis imaypis chapanga. Paymi salbanga, sumaj yachayta gonga, sumaj tantiyachenga. Tayta Diosta rispitar yäracushanga canga ima-aycatapis charashannömi.

Jeremías 15:11

Tayta Dios, nogaga gamta allimi sirbishcä. Chiquimajcuna llaquicuycho, ñacaycho caycaptin yanapänayquipaj nogaga gamta mañacamushcämi. Mana mañacusha captëga maldisyunamashancuna jina chayamächun ari.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

Hechos 9:31

Chay wichanga yäracojcuna allimi goyäcuran Judeacho, Galileacho, Samariacho. Chaymi shacyäcuran Tayta Dios munashannölla cawananpaj. Chayno Espíritu Santu yanapaptinmi yäracojcunapis mas achcayaranna.