Proverbios 14:17 - Tayta Diosninchi Isquirbichishan

¹⁷ Imallapitapis rabyaj runacunaga mana yarpachacuypami imatapis ruran. Fiyu runacunaga wacpita caypita chiquishami goyanga.

Proverbios 14:17 ပူးပေါင်းရင်းမြစ်များ

2 Reyes 5:12

Israel mayucunapitaga mas allimi caycan Damascucho caj Abanawan Farfar mayucuna. Chay mayucunallaman aywäman caran allchacänäpaj mayllacoj.» Chayno nishpanmi fiyupa rabyasha aywacuran.

Ester 3:6

Amantaga mayna willasha caran Mardoqueoga Israel runa cashanta. Chaymi Amanga yarpachacuran ray Asuero mandaycashancho tiyaj Israelcunataga Mardoqueotawan ushajpaj wañuchinanpaj.

Proverbios 12:16

Mana tantiyajcunaga jucllami imallapitapis rabyacurcun. Yarpaysapacunami ichanga ashllir-ushaptinpis mana rabyacunchu.

Proverbios 12:2

Alli runataga Tayta Dios allimi yanapan. Mana allita rurayta yarpajcunatami ichanga castigan.

Proverbios 14:16

Yachaj tantiyaj runaga ima mana allimanpis chayayta manchacurmi witicun. Mana tantiyacojcunatami ichanga imapis mana gocunchu.

Proverbios 14:18

Mana tantiyacojcunaga imaypis upa cayllanchömi carcaycanga. Tantiyacur wiyacojcunami ichanga canga sumaj yachaj.

Proverbios 14:29

Jinan öra mana rabyaj runaga alli yarpayniyojmi. Jinan öra rabyacurcojmi ichanga upa mana tantiyaj cayninta musyachicun.

Proverbios 15:18

Mana rabyaj runaga rimanacuytapis chawächinmi. Imallapitapis rabyacoj runami ichanga juclla piwanpis rimanacun.

Proverbios 16:32

Alli chölu-tucuypitaga mas alli pasinsacuymi. Llapan marcapa mandajnin cananpitaga mas alli caycan quiquinraj alli duminacuyta yachashanmi.

Proverbios 20:3

Piwanpis mana rimanacoj runaga alli rispitashami. Mana tantiyacoj runami ichanga piwanpis juclla rimanacun.

Proverbios 22:24

Fiyu runacunawanga rabyaj runacunawanga ama goturanquichu; ni ama amïgupis canquichu.

Proverbios 29:22

Imallapitapis juclla rabyacäcoj runaga pï-maywanpis jucllami rimanacun. Chayno cashpanmi llutancunata ruran.

Proverbios 6:18

jucha aparicuyllapaj yarparajta, juchata rurallar cörricachajcunata,

Eclesiastés 7:9

Imapitapis jucllaga ama rabyacuychu. Mana tantiyacoj upa runacunallami jucllaga rabyacun.

Isaías 32:7

Engañacojcunaga yäracun engañayta yachashallanmanmi. Melanaypajcunata rurayllatami yarparaycan. Pobricunatapis llullapaypami llaquicachin. Alli arriglananta ashiycajcunatapis mana allimanmi churan.

Santiago 1:19

Cuyashä ermänucuna sumaj yarpachacuy: Yachaj-tucur alläpa parlayga manami allichu. Waquinpis parlananpaj upälla cacunqui. Mana yarpachacuypa llutancunata parlanayquipa ruquenga sumajraj yarpachacuy imata parlanayquipäpis. Llutallapis ama rabyacuychu.