Proverbios 14:1 - Tayta Diosninchi Isquirbichishan

¹ Yachaj yarpaysapa warmiga wasincho cushisha goyächiytami yachan. Yarpayniynaj upa warmimi ichanga wasincho cajcunata quiquin yamacächin.

Proverbios 14:1 ပူးပေါင်းရင်းမြစ်များ

1 Reyes 16:31

Nabatpa wamran Jeroboam juchata rurashanno rurarpis mana cuntintacuranchu. Mas rabyanaypäraj Sidón siudäpa raynin Et-baalpa wamran Jezabelwan majachacaran. Baal dios-niraj ïdulutapis rispitar sirbiran.

2 Reyes 11:1

Wamran Ocozías wañushanta mayaycur maman Ataliaga aywaycur Ocoziaspa llapan famillyancunata wañuchiran.

Proverbios 19:13

Mana tantiyacoj wamraga taytanta llaquicachinmi. Shimisapa warmipis mana chawaypa jutoj wasinömi achäquita ashipayta mana jamanchu.

Proverbios 21:19

Fiyu y rabyaj warmiwan tiyananpa ruquenga mas allimi canman japallan chunyajcho tiyacuptinpis.

Proverbios 21:9

Alli jatun wasicho rimanacuyllata pillyallata ashiycaj warmiwan goyänanpa ruquenga chucllallachöpis japallan tiyacuptin mas allimi canman.

Rut 4:11

Chaura llapan chaycho caycaj y mayurcunapis niran: «Au, llapanëmi musyä. Tayta Diosninchi yanapäshunqui warmiqui Rutcho aypallata miranayquipaj. Raquelpawan Leapa achca wamran cashanno wamrayqui cachun. Paycunallapitami noganchi Israelcunapis mirashcanchi. Gamna Efrata marca Belenchöpis alli ricasha caycullay.