Proverbios 13:6 - Tayta Diosninchi Isquirbichishan

⁶ Alli runataga allita rurashancunami mana allipitapis chapan. Jucha rurajcunatami ichanga mana allita rurashancuna illgächin.

Proverbios 13:6 ပူးပေါင်းရင်းမြစ်များ

1 Reyes 1:52

Chaura Salomón niran: «Pay alli cacuptenga manami imapis päsangachu. Mana allita rurashancuna taricaptinmi ichanga wañonga.»

1 Reyes 13:34

Chayno rurashanmi achäqui caran Jeroboampa wamrancuna mas piyur juchata rurananpäpis. Chaypitami chay famillyacunaga ushajpaj ushacaran.

2 Crónicas 28:23

Damascucuna «diosnë» nishancunapämi uywancunata pishtarcur rupachiran. Chayno rurarmi Acazga mana alliman chayaran. Acazga yarparan Siria runacuna «diosnë» nishancuna chay nasyuncho tiyaj raycunataga imachöpis yanapashanta. Chaymi paypis yarparan uywacunata pishtarcur rupachiptenga yanapänanpaj cashanta. Chayno rurashanpitaga Acaz mana allimanmi chayaran. Israelcunapis ñacayman chayaran.

Salmos 119:1

Cushishami cawanga juchata mana rurajcunaga, Tayta Dios yachachishancunata cumlejcunaga.

Salmos 140:11

Washa-rimacunaga ama cachunchu cay pachachöga. Mana allita rurashanga fiyu runata quiquinta gatirächun wañuchinancama.

Salmos 15:2

Chayangapäga juchaynajcunallami, alli cajta rurajcunallami, rasun cajta rimajllami,

Salmos 25:21

Nogaga gamllamanmi yäracamö. Allillata ruranäpaj tantiyaycachimay ari.

Salmos 26:1

Tayta Dios, imano cashätapis gamga musyaycanquimi. Nogaga imaypis alli cajllatami ruraycä. Mana cachaypa gamllamanmi yäracaycämö.

Proverbios 10:29

Alli runacunataga imapitapis Tayta Diosmi chapan. Llutanta rurajcunatami ichanga illgächin.

Proverbios 11:20

Jucha rurayllapaj yarparajtaga Tayta Dios melanäcunmi. Allita rurar goyajcunatami ichanga alli rican.

Proverbios 11:3

Alli runacunaga Dios munashanno rurashpanmi alli cawan. Fiyu runacunami ichanga fiyu llulla cashanpita ñacayman chayan.

Proverbios 21:12

Juchaynaj Tayta Diosga fiyu runa imano goyashantapis sumajmi ricaycan. Nircur fiyu runacunataga mana alliman chayachirmi illgächin.

Proverbios 5:22

Juchasapacunataga quiquin mana allita rurashancunallami tunichenga. Chaychica juchata aparicushanmi chariranga.