Proverbios 13:12 - Tayta Diosninchi Isquirbichishan

¹² Runaga yarpashanta mana tariycur fiyupami llaquicun. Llapan yarpashancunata tarirmi ichanga fiyupa cushicun.

Proverbios 13:12 ပူးပေါင်းရင်းမြစ်များ

Génesis 46:30

Wamran Josëta Israelga niran: «Gamwan cawaycajwanmi tincuycunchi. Cananga allinami wañucuptëpis.»

Nehemías 2:2

Chaymi tapumaran: «¿Imanirtaj llaquisha caycanqui? Manami gueshyaycajnöchoga caycanqui. Jucpitami llaquishaga caycanqui canga.» Chayno nimaptin fiyupa manchacäcurä.

Salmos 143:7

Tayta Dios, juclla yanapaycamay ari. Jämaynëpis ushacaycannachaj. Ama cachaycamaychu. Cachaycamaptiquega wañojcunanönachari cashaj.

Salmos 17:15

Nogami ichanga fiyupa cushicushäpaj juchaynaj car gamta ricar ñaupayquicho goyarna. Riccharcamur gampa ñaupayquicho ricacushpämi fiyupa cushicushaj.

Salmos 69:3

Chay-jina gaparaycällar gasmashcänami. Cuncäpis nanaycannami. Tayta Diosta shuyaraycaptillänami ñawëpis chacaycanna.

Proverbios 11:30

Allita ruraj runacunaga alli wayoj yöranömi. Yachaj runaga allita rurashpanmi runacunata mana ushacaj cawayta tarichin.

Proverbios 13:11

Imatapis mana ñacayllapa rätu tarishanga fäsimi ushacäcun. Wallca-wallcalla ñacar shuntashancunami ichanga fäsiga mana ushacangachu.

Proverbios 13:13

Yachachishanta mana wiyacoj cäga fiyupami llaquiconga. Mandamintuta wiyacojcunami ichanga alli cawayta tarenga.

Proverbios 13:19

Yarpashanta tariycorga runacuna fiyupami cushicun. Mana tantiyacojcunami ichanga mana alli rurayninta mana cachaycunchu.

Proverbios 3:18

Yachacojcunata yachayga allimi goyächin. Pipis yachaj cäga cushishami cawanga.

Cantares 5:8

Jerusalén jipashcuna, gamcunatami ruwacö: cuyaynëta ricashpayquega willaycapamay ari «gampaj llaquicuyllawan gueshyaycan» nir.

Juan 16:22

Chaynömi gamcunapis cananga llaquicuycanqui. Yapay tincuptinchïmi ichanga fiyupa cushicunquipaj. Chay cushicuypitaga mananami pipis llaquicuyman churashunquipänachu.

Apocalipsis 2:7

«Wiyajcunaga Espíritu Santu yachachishanta sumaj tantiyacuchun. Imano ñacarpis imaycamapis yäracamajcunataga Tayta Diospa ñaupancho imaycamapis cawachicoj yörapa wayuyninta micunanpämi goshaj.

Apocalipsis 22:2

Siudäpa jatun cällin chaupinpami chay mayu aywaycaran. Cuchuncunachömi imaycamapis cawachicoj yöracuna caycaran. Chay yöracunami cada quilla wayoj. Yörapa wayuyninta micur runacuna manami wañurannachu. Öjancunanami llapan nasyun runacunapaj jampi caran.