Proverbios 13:10 - Tayta Diosninchi Isquirbichishan

¹⁰ Alli-tucojcunaga pitapis chiquinacuyllachömi cawachin. Willapashanta wiyacojcunami ichanga yachaj runa.

Proverbios 13:10 ပူးပေါင်းရင်းမြစ်များ

1 Reyes 12:16

Llapan Israel runacuna ruwacushanta ray mana auniptin paycunapis niran: «Davidtaga ¿imaycamataj rispitaycäshun? Payga manami famillyanchïchu. ¡Davidpa wamranga famillyancunata mandacuchun! ¡Israel cajcunaga marcanchïman-cama cuticushun!» Chayno nirmi jinan öra llapan Israelcuna wasinman-cama aywacuran.

2 Reyes 14:10

Edom runacunataga rasunpami binsishcanqui. Chayta binsiycurmi alli-tucuycanqui. Alli-tucuypis ari. Ichanga wasillayquicho cacuy. ¿Imanirtaj quiquillayqui ashiycanqui mana alliman chayayta, Judá runacunapis mana alliman chayananpäga?»

Proverbios 13:11

Imatapis mana ñacayllapa rätu tarishanga fäsimi ushacäcun. Wallca-wallcalla ñacar shuntashancunami ichanga fäsiga mana ushacangachu.

Proverbios 13:9

Alli runacunaga chacaycho achqui achicyaycajnömi cushisha goyäcun. Fiyu runacunami ichanga achqui upiptin chacajcho caycajno carcaycan.

Proverbios 17:14

Rimanacuyman chayayga lloglla shamojpitapis mas piyurmi. Rimanacuyman chayanayquipa ruquenga witicuy.

Proverbios 19:20

Willapäshushayquita wiyacuy. Piñacushushayquitapis chasquicuy. Chayno car-rämi yachaj canquipaj.

Proverbios 20:18

Imata rurananpäpis alliga camacan sumaj tapucuriptinrämi. Imano pillyananpäpis sumaj yarpachacurir-rämi guërrata ruran.

Proverbios 21:24

Ollgojta, alli-tucojtaga «shimisapa» nirmi rejsin. Chayno runaga yachaj-tucojmi.

Proverbios 25:8

jucllaga ama dimandaj aywanquichu. Runa-masiqui «manami chaynöchu» nishuptiquega gam pengaychömi quëdanquipaj.

Proverbios 28:25

Fiyupa yargaj runaga pï-maywanpis rimanacongallami. Tayta Diosman yäracoj runami ichanga alliman chayanga.

Lucas 22:24

Apostulnincunaga quiquin-pura rimanacuran: «¿Mayganchïtaraj mas mandaj cananchïpaj churamäshun?» nir.

1 Timoteo 6:4

Paycunaga imatapis manami musyanchu. Quiquillanpämi yachaj-tucun. Gueshyayasha-japuy rimanacuyllacho caycan. Chaypitami chiquinacun, ashllinacun, jucnin-jucninpis mana yäracunacunchu, mana allita yarpapänacun,

Santiago 4:1

¿Imanirtaj chiquinacunqui maganacunqui? Chayno carcaycanqui shonguyquicho mana alli yarpay captinmi.

Jueces 19:30

Chayta ricäga llapanpis niran: «Egiptupita llojshimushanchïpita-pacha manami imaypis ricashcanchïchu caynötaga. Cayno rurashanpitaga sumaj yarpachacushun. Imano rurananchïpäpis juclla parlacushun.»