Proverbios 12:25 - Tayta Diosninchi Isquirbichishan

²⁵ Fiyupa llaquicuptenga pachapis chacacäcojnömi ricacun. Alli allillata parlapaptinmi ichanga pachapis achicyarcun.

Proverbios 12:25 ပူးပေါင်းရင်းမြစ်များ

Salmos 38:6

Llaquishalla, jagayashalla, uysucushallami purëpis.

Salmos 42:11

Chauraga ¿imanirtaj yarpachacöman? ¿Imanirtaj llaquicöman? Tayta Diosmanmi yäracuycä. Payllatami alabaycäshäpis. Paymi Salbamaj Diosnëga.

Proverbios 12:18

Waquin runapaga gayapashan nanayparämi chayaycun. Yachaj runacuna rimashanmi ichanga jampino cushicachin.

Proverbios 12:26

Alli runaga runa-masinta alli yarpaytami gon. Fiyucunami ichanga llutan mana alliman chayachin.

Proverbios 14:10

Runa llaquicuycashantaga pipis manami musyanchu. Cushisha caycashantapis manami pipis ricanchu. Quiquinpa shongullanmi musyan.

Proverbios 15:13

Shongun cushisha captenga cäranpis cushishami. Shongun llaquisha captenga cäranpis juc-nirajyashami.

Proverbios 15:15

Llaquisha goyajcunapäga imay junajpis mana allillami. Cushisha goyajcunapämi ichanga imay junajpis fistachöno cushicuylla.

Proverbios 15:23

Tapucushanta alli cuticherga cushicunmi. Camacashan öra alli willapashanpis mas allimi.

Proverbios 15:30

Alli ñawiwan ricäriptenga jucninpa shongunpis cushicunmi. Chaynöllami alli willapapis cushicachinmi.

Proverbios 16:24

Alli shimillanpa parlashanga urunguypa mishquinnörämi. Alli goyaypämi shacyächicun.

Proverbios 17:22

Cushishalla goyajcunaga sänumi cawan. Llaquishalla goyajcunapami ichanga gänasnin imapäpis mana canchu.

Proverbios 18:14

Cushisha carga gueshyaycashanpitapis allchacanmi. Llaquisha, gänasnin mana cajtaga ¿piraj allchacächenga?

Proverbios 25:11

Camacashan öra rimashanga allimi. Gori mansänano sumaj allimi caycan.

Proverbios 27:9

Cuyayllapaj perfümiwan pichucuriptenga shongupis cushicurinmi. Amïgun allita willapaptenga shongunpis achicyärinmi.

Isaías 50:4

Tayta Diosga yachachimasha uticasha caycajcunata shacyächir cushicachinäpämi. Tayta Dios nimashanta masta-masta tantiyacunäpämi cada tuta wiyaj wiyajlla caycächiman.

Zacarías 1:13

Chaura nogawan parlaycaj anjilta Tayta Diosga cushicuy cananpaj cajtana alli shiminpa willaparan.