Proverbios 12:16 - Tayta Diosninchi Isquirbichishan

¹⁶ Mana tantiyajcunaga jucllami imallapitapis rabyacurcun. Yarpaysapacunami ichanga ashllir-ushaptinpis mana rabyacunchu.

Proverbios 12:16 ပူးပေါင်းရင်းမြစ်များ

Job 5:2

Musyanchïmi mana tantiyaj upacunaga rabyallawan wañushanta. Yargajcunaga munapaycällarmi wañuymanpis chayan.

Proverbios 10:12

Chiquinacuyga pitapis pillyachinmi. Cuyanacuywanga mana allita ruranacushanpitapis perdunanacunmi.

Proverbios 12:17

Rasun cajta rimaj runaga rasun cajllatami declaranpis. Alman ranticojcunami ichanga manacajta declaran.

Proverbios 14:33

Sumaj alli yachayga caycan alli tantiyajpa umanchömi. Mana tantiyacojcunami ichanga imatapis mana musyanchu.

Proverbios 16:22

Alli yarpayniyoj cashanga cawachicoj yacunömi. Mana tantiyacojcunata yachachiyga manacajllapämi.

Proverbios 17:9

Imapitapis perdunaj runaga juc amïgutapis tarinmi. Mana perdunaj runami ichanga amïgutapis ogran.

Proverbios 25:28

Rabyar mana pasinsacoj runaga caycan curaläni siudä pï yaycunanpäpis alayri caycajnömi.

Proverbios 27:3

Aguwan rumiga fiyupami lasan. Chaycuna lasashanpis manami tincunchu mana tantiyaj upa rabyashanmanga.

Proverbios 29:11

Mana tantiyaj upa runa rabyarga llapan yarpashantami riman. Alli tantiyaj runami ichanga rabyarpis rabyan rätulla.

Santiago 1:19

Cuyashä ermänucuna sumaj yarpachacuy: Yachaj-tucur alläpa parlayga manami allichu. Waquinpis parlananpaj upälla cacunqui. Mana yarpachacuypa llutancunata parlanayquipa ruquenga sumajraj yarpachacuy imata parlanayquipäpis. Llutallapis ama rabyacuychu.