Proverbios 12:14 - Tayta Diosninchi Isquirbichishan

¹⁴ Alli runaga shimillanpitami imatapis allita tarin. Imanöpis rurashan-tupumi pägataga chasquin.

Proverbios 12:14 ပူးပေါင်းရင်းမြစ်များ

Job 34:11

Payga cada runatami cutichin imanöpis rurashanpita. Cada runami imata rurashanpitapis chasquin.

Salmos 63:5

Fiyupami cushicushaj mishquej micuyta micushanöraj. Cushicushpä gamtami alabashayquipis.

Proverbios 1:31

Mana wiyacushayquipitami fiyupa ñacanquipaj. Juchayqui-tupumi fiyupa ñacayman chayanquipaj.

Proverbios 13:2

Alli runaga shimillanpitami imatapis allita tarin. Parlashanta mana cumlejcunami ichanga wañuchiyllata yarpapan.

Proverbios 14:14

Mana tantiyacojcunaga imanöpis rurashanpita pägunta chasquenga. Alli runapis alli cajcunata rurashanpita pägunta chasquengami.

Proverbios 15:23

Tapucushanta alli cuticherga cushicunmi. Camacashan öra alli willapashanpis mas allimi.

Proverbios 19:17

Pobrita yanapäga Tayta Diostami ristaycan. Chayno yanapashanpitaga quiquin Tayta Diosmi cutichenga.

Proverbios 24:12

«Manami musyashcächu» niptiquipis pï imallata rurashanpitapis jusgaj Tayta Diosllami musyanga. Imano caycashayquitapis ricashöga llapan rurashayquitami ricaycäshunqui. Runacunataga rurashanmannömi llapanta cutichenga.

Proverbios 5:22

Juchasapacunataga quiquin mana allita rurashancunallami tunichenga. Chaychica juchata aparicushanmi chariranga.

Jeremías 17:10

Nogami ichanga llapanpa shongun imano yarpaycashatapis musyä. Nogaga cada-ünuntami imanöpis cashanpita, imanöpis rurashanpita pägunta gö.»

Jeremías 21:14

Chaymi imatapis rurashayquimanno castigashayqui. Ima-aycayquitapis rupaycachishämi. Llapantami ninaga rupacurcongapaj. Noga Tayta Diosmi chayno në.»

Oseas 4:9

Acrashä runacunatawan iwalmi cüracunatapis castigashaj chayno rurashanpita.

Mateo 16:27

Noga Destinädu Runaga anjilnëcunawanmi shamushaj Taytäpa munayninwan. Chaychömi llapan runacuna rurashanman-tupu premyunta chasquenga.

Hebreos 11:26

Egiptucho ima-aycayojpis cananpa ruquenga Jesucristo ñacananpaj cashannömi ñacayta munaran. Payga tantiyaran Diosninchi munashanno cawarga syëluman chayar premyuta chasquinanpaj cashantami.

Hebreos 2:2

Ñaupata Diosninchi anjilnincunawan willacachir yachachishanga caran runacuna cumlinanpaj laymi. Chaymi chay layta mana wiyacojcunawan jucha rurajcunaga castigasha caran.