Proverbios 12:1 - Tayta Diosninchi Isquirbichishan

¹ Corrijiptin wiyacur alli tantiyacöga yachaj caytami munan. Piñacuptin mana wiyacojmi ichanga mana tantiyacoj upa.

Proverbios 12:1 ပူးပေါင်းရင်းမြစ်များ

Salmos 119:27

Willapämashayquicunata cumlinäpaj sumaj yarpayta goycamay. Almiraypajcunata rurashayquitami tantiyayta munä.

Salmos 141:5

Alli runa piñacamaptin, astimaptin chasquicushämi. Chaycunaga canga jampinömi. Chauraga chasquicushämi. Fiyu runacuna magaycämaptinpis gamllatami mañacuycäshayqui.

Salmos 32:9

Ama canquichu cawalluno bürruno mana tantiyacöga. Cawallutaga busalninwanrämi ichichinchi. Bürrutapis shengallawacurcur-rämi munashanchïpa apanchi. Chayno mana rurashaga manami wiyamanchïchu» nir.

Salmos 50:17

Gamcunataga manami gustashunquichu noga piñacushä. Imano ruranayquipaj nishätapis manami cumlinquichu.

Salmos 92:6

Chaymi mana tantiyacunchu llutan ruraj runacunaga.

Proverbios 10:8

Yachaj runacunaga willapashancunata llapantami tantiyacun. Mana tantiyar llutanta rimajcunami ichanga ushacaypa aywan.

Proverbios 11:31

Cay pachacho alli runacunapis ñacaycaptenga juchasapacunawan fiyu runacunaga imanöraj ñacanga.

Proverbios 12:2

Alli runataga Tayta Dios allimi yanapan. Mana allita rurayta yarpajcunatami ichanga castigan.

Proverbios 15:10

Allita ruraycashanpita cachaycojcunataga fiyupa castigarmi piñacun. Piñacushanta mana wiyacojcunami ichanga wañonga.

Proverbios 18:1

Quiquin munashanno cawajcunaga quiquillanpämi imatapis ashin. Alli cajta willapashancunataga manami wiyacunchu.

Proverbios 30:2

Nogaga cä llapan runapitapis mas mana tantiyacoj upami. Manami runapa yarpayninnöchu nogapa yarpaynëga.

Proverbios 8:17

Cuyamajcunata nogaga cuyämi. Ashimajcunapis yachacunmi.

Proverbios 8:32

«Wamräcuna, canan willapashätaga sumaj wiyacuy. Yachachishäno cawarga cushishami goyanquipaj.

Proverbios 8:36

Nogata mana yarpämajcunami ichanga quiquillan mana allita ruracuycan. Chiquimajcunaga quiquincunami wañuyta ashiycan.»

Isaías 1:3

Yuntaga duyñunta rejsinmi. Bürrupis rejsinmi duyñun mayman garanantapis. Israelcunami ichanga acrashä caycarpis mana rejsimanchu ni tantiyacunpischu.»

Levítico 13:10

Cüranami imano cashantapis ricanga. Garan jacashpan yur'gacäcuptin, ajchanpis yur'gacäcuptin, gueri chaupincho llullu aychana ricacaptenga

2 Tesalonicenses 2:10

Milagrucunata rurarmi Jesucristupa willacuyninta mana chasquicojcunata riguichenga Tayta Diosta adurananpa ruquenga payllatana adurananpaj. Chaymi alli runa cashanta yarpar cushisha chasquicongapaj.