Proverbios 11:6 - Tayta Diosninchi Isquirbichishan

⁶ Alli runacunataga allita rurashanmi salban. Yargajcunaga juchan-tupumi mana alliman chayachin.

Proverbios 11:6 ပူးပေါင်းရင်းမြစ်များ

Génesis 30:33

Chaynöpami uywayquicuna ricaj shamur musyanquipaj mana suwapashäta. Nogapa uywäcuna caycashanchöga uyshapis cabrapis cangapaj allgalla, muru-murucunalla, yanalla. Chaycho yuraj tacurarga llapanpis canga noga gampata duyñu-tucuycashallämi.»

Génesis 31:37

Ima-aycätapis ashishcanquimi. ¿Imayquitataj tarishcanqui gampa cajtaga? Tarisha cashpayquega mä cayman churay castanchïcuna ricananpaj. Chaura paycunami nimäshun mayganchïcho jucha cashantapis.

1 Reyes 2:44

Gamga fiyupa mana allitami papänë Davidta gayaparayqui. Chaymi cananga Tayta Dios camacächisha juchayquipita wañunayquipaj.

Salmos 9:15

Mana rispitashojcunaga yaganga quiquincuna uchcuta rurashallanmanmi. Togllata churashanpis quiquincunatami charenga.

Proverbios 11:9

Fiyu runaga rimashanwanmi runa-masinta jagayächin. Alli runacunami ichanga yachaj cashanwan piwanpis alli cawan.

Proverbios 5:22

Juchasapacunataga quiquin mana allita rurashancunallami tunichenga. Chaychica juchata aparicushanmi chariranga.

Eclesiastés 10:8

Pipis uchcuta uchcoj cäga chaymanmi yaganga. Pipis curral pergata ojtej cajtaga culebrami cañenga.

Jueces 20:41

Chayta ricärir Israelcunaga ichiparan. Benjamín trïbu runacunana imata ruraytapis mana camäpacuranchu jananchöna wañuy captin.