Proverbios 11:29 - Tayta Diosninchi Isquirbichishan

²⁹ Wasincho imallanpis cajcunata mana cuyapayta yachajcunapaga wasinchöpis wayrami tumaycanga. Chaymi paycunaga alli yachajcunapa uywaynillanna ricaconga.

Proverbios 11:29 ပူးပေါင်းရင်းမြစ်များ

Génesis 34:30

Chaura Jacobga Simeontawan Levïta niran: «Canan gamcunaga fiyupa chiquinacuymanmi gaycamashcanqui. Cananga cay Canaancho tiyaj runacunawan Ferez runacuna fiyupami chiquimanga. Nogapaga wallcallami caycan pillyapaj caj runacuna. Chaymi paycuna shuntacaycur shamorga wañuchimäshun llapan castanchïtawan.»

Proverbios 14:19

Fiyucunaga alli runacunapa maquintapis muchangarämi. Mana allita rurajcunaga ruwacur alli runacunapa puncunta tacangarämi.

Proverbios 15:27

Imatapis yargaypa-yargar munajcunaga famillyanmanmi disigrasyata chayachimonga. Saynita mana chasquejcunami ichanga alli cawanga.

Eclesiastés 5:16

Imanöllami cay pachaman shamuran, chaynöllami aywacongapis. Chayno cananpaj captenga ¿imapäraj yangalla ñacasha? Chayga llaquicuypämi.

Oseas 8:7

«Paycunaga wayratami murusha, löcu wayratana shuntangapis. Rïguncuna manami wayonganachu. Mana wayuptin jarinapis manami canganachu. Ichiclla cajllantapis juc-lä jäpa runacunami micucarcärenga.

1 Samuel 25:17

Runayquega tuscumi. Imata willapaytapis mana puydinchïchu. Cananga gam mä yarpachacuy imata ruranayquipäpis. Man'chäga mana allimi chayanga payman, llapan famillyancunamanpis.»

1 Samuel 25:3

Chay runapa jutin caran Nabal. Pay caran Caleb famillya. Nabalga caran fiyu, tuscu. Warmin Abigailmi ichanga caran amatar alli cuyayllapaj y yarpaysapa.

1 Samuel 25:38

Atäqui charishanpita chunca junajta yapay Tayta Dios castigaran. Chaynöpami Nabal wañucuran.