Proverbios 11:28 - Tayta Diosninchi Isquirbichishan

²⁸ Charashanman yäracojcunaga yöra tunejnömi ushacanga. Alli runacunami ichanga jacha berdiypa berdir wiñaycajno canga.

Proverbios 11:28 ပူးပေါင်းရင်းမြစ်များ

Salmos 1:3

Chay runaga caycan juc yöra mayu cantuncho alli caycajnömi, wayunan timpu chayamuptin alli wayojnömi, öjancunapis mana garwashtajnömi. ¡Chay runataga llapanpis allimi llojshipan!

Salmos 49:6

Conträcunaga yäracun ima-aycatapis charashallanmanmi. Aypallata charashpan yarpan imaypis mana ushacänantami.

Salmos 62:10

Mana allita rurashayquicunamanga ama yäracuychu. ¡Runapa ima-aycantapis guechushpayqui ama alabacuychu! Rïcuyashpayqui guellayniquimanga ama yäracuychu.

Proverbios 10:15

Rïcu runataga ima-aycanpis cashanpitami rispitan. Pobri runatami ichanga imanpis mana captin paypäga pipis mana rimarcunchu.

Isaías 60:21

«Marcayquichöga alli runacunallanami tiyanga. Chaychöga paycunallami imaycamapis tiyacongapaj. Paycunami caycan lantashä lantapita chillguimojcunaga. Paycunataga quiquëmi churashcä munayniyoj cashäta juccunata musyachinäpaj.

Jeremías 17:8

Chay runaga cangapaj mayu cantunman yörata lantaycusha mayu rurinpa sapincuna sapichajnömi. Chay yörataga shanarpis manami chaquichinchu. Imaypis berdillami caycan. Wayuyninpis mana pishiypami caycan.

Lucas 12:20

Chayno yarpachacuycaptinshi Tayta Dios niran: ‹¡Yarpayniynaj upa runa! ¡Canan chacaymi wañunquipaj! Llapan ñacar churashayquega ¿pipäraj quëdanga?› nir.

1 Timoteo 6:17

Rïcu cajcunata ninqui rïcu carpis mana alli-tucunanpaj ni ima-aycanmanpis mana yäracunanpaj. Chay riquësanpis ni ima-aycanpis ushacajllami. Chaypa ruquenga yäracuchun Tayta Diosllaman. Paymi ima-aycatapis noganchïpaj cananpaj gomanchi, chaynöpana cushisha cawananchïpaj.