Proverbios 11:24 - Tayta Diosninchi Isquirbichishan

²⁴ Pitapis macyaycöga imallatapis mas-mastami tarin. Pitapis mana macyaycoj cajcunami ichanga muchupacayman chayan.

Proverbios 11:24 ပူးပေါင်းရင်းမြစ်များ

2 Crónicas 31:10

Sadoc famillyapita miraj mandaj cüra Azarías niran: «Tayta Diospa Templunman apamuyta gallaycushanpita-pacha micunäcunapäga llapanpis caycällanmi. Goturaycäga micushäpitapis puchojcunami. Tayta Diosga acrashan runacunaman bindisyuntami churasha.»

Salmos 112:9

Pobricunata yanaparga achca achcami imatapis goycun. Pï-maypäpis allimi canga. Pï-maypitapis rispitashami goyanga.

Proverbios 11:18

Fiyucuna mana allita rurar gänashanga manacajnöllami ushacäcun. Alli runacunami ichanga imatapis mana ushacajta chasquenga.

Proverbios 11:23

Alli runacuna yarpashanga llapanpis allimi camacan. Fiyu runacuna yarpashanmi ichanga pï-maytapis rabyachin.

Proverbios 11:25

Millgaycoj macyaycoj cajcunaga cushishami goyanga. Pitapis goycorga quiquinpis allitami chasquin.

Proverbios 13:7

Waquin runaga imanpis mana caycaptinmi rïcu-tucun. Waquinnami ima-aycayojpis caycar pobri-tucun.

Proverbios 19:17

Pobrita yanapäga Tayta Diostami ristaycan. Chayno yanapashanpitaga quiquin Tayta Diosmi cutichenga.

Proverbios 28:27

Pobricunata yanapajtaga manami imapis pishengachu. Mana yanapajcunatami ichanga ñacajcuna maldisyunta gonga.

Proverbios 28:8

Guellayninpa wawanta achcata cobraycällar rïcuyäga pobricunata yanapaj runacunallapämi shuntan.

Eclesiastés 11:6

Tutapa muruta muruy. Tardipapis muruy. Manami musyacanchu maygan caj alli wayunanpaj cashanpis. ¿Mayganshi gueshpengapis, rimir murushanchïchush, guepa cajta murushanchïchush? ¿Ishcanchush alli cangapis?

Hageo 1:6

Gamcunaga aypallatami murupacunqui; ichanga wallcallatami shuntanqui. Micushpayquipis jinallami yargaycanqui. Upushpayquipis jinallami yacunarcaycanqui. Sumaj pitucurpis manami goñurinquichu. Arupacuptiqui pägashushayquipis manacajnöllami ushacäcun.

Malaquías 3:8

¿Runaga Diosta suwapanmanchuraj? ¡Gamcunami ichanga suwapämashcanqui! Chaypis tapuycämanquiraj: ‹¿Imachötaj suwapashcäcuna?› nir. ¡Diesmucunacho, ofrendacunachömi suwapämashcanqui!

Lucas 6:38

Pï-maytapis goycuptiquega gamtapis chaynöllami goycushunquipaj. Chasquinquipaj junta shajshipayllapa wiñasha jichay jichaytami. Runa-masiquita imanöpis ricashayquimannöllami Tayta Diospis ricashunquipaj.»

Deuteronomio 15:10

Chayno caycaptenga muchojcunata llapan buluntäniquipa yanapanqui. Chayrämi Tayta Diospis llapan arushayquiman bindisyunta churamonga.