Proverbios 11:21 - Tayta Diosninchi Isquirbichishan

²¹ Mana allita rurajcunaga simrimi castigacanga. Allita rurajcunami ichanga salbaconga.

Proverbios 11:21 ပူးပေါင်းရင်းမြစ်များ

Job 36:17

Fiyu runacunata castïgu chayashallanpämi gamga yarpachacuycanqui. Ichanga jusgar castigashuptiqui manami imanöpapis chapacunquipächu.

Salmos 37:26

Alli runacunaga imaypis cuyapäcunmi. Chaymi pitapis ristaycun. Wamrancunapis bindisyunyojmi canga.

Éxodo 23:2

«Waquin runacuna mana allita ruraptinpis paycunanöga ama ruranquichu. Autoridäpa ñaupancho achcaj jucnöpa-jucnöpa niptinpis gamga rasun cajllata parlanqui.

Éxodo 23:7

Mana rasunpa cajta dimandacamuptenga ama chasquinquichu. Mana juchayoj runapaj ama ninquichu ‹Juchayojmi cayga. Wañuchun› nishpayqui. Juchaynaj runata wañuchejtaga manami perdunashächu.

Proverbios 11:20

Jucha rurayllapaj yarparajtaga Tayta Dios melanäcunmi. Allita rurar goyajcunatami ichanga alli rican.

Proverbios 11:22

Yarpayniynaj cuyayllapaj warmiga cuchipa sengancho gori surtïja jatiraycajnömi caycan.

Proverbios 12:21

Alli runaga imaypis manami ñacangachu. Fiyucunami ichanga imaypis mana allillaman chayaycan.

Proverbios 13:22

Ima-aycayojpis car alli runaga willcancunatawanrämi raquipan. Juchasapacunami ichanga ima-aycantapis churarächicun alli runacuna rubichanallanpaj.

Proverbios 16:5

Alli-tucojcunataga Tayta Dios melanäcunmi. Chaycunataga simrimi castiganga.

Isaías 27:4

Paytaga manami rabyapänachu. Fiyucuna yaycuptenga cashata, mana alli guewacunata rupachejnömi illgarachishaj.

Jeremías 32:39

Paycunataga yarpayninchömi shacyächishaj cawashancamaga nogallatana rispitamänanpaj, chaynöpana quiquincunapis, wamrancunapis alli cawananpaj.

Jeremías 44:15

Chayno niptinmi juc dioscunapaj insinsuta rupachejpa runancunawan chaycho caycaj warmicuna y Patros particho tiyaj llapan Judá runacunapis Jeremiasta niran:

Hechos 2:39

Espíritu Santutaga cachamonga gamcunaman, wamrayquicunaman, juc-lä runacunamanpis. Acrashancunamanga pï-maymanpis cachamunanpämi Tayta Dios aunisha.»