Proverbios 11:18 - Tayta Diosninchi Isquirbichishan

¹⁸ Fiyucuna mana allita rurar gänashanga manacajnöllami ushacäcun. Alli runacunami ichanga imatapis mana ushacajta chasquenga.

Proverbios 11:18 ပူးပေါင်းရင်းမြစ်များ

Éxodo 1:20

Partëracuna Diosta rispitar ollgu wamra yurejcunata mana wañuchishanpitami Diosga partëracunatapis yanaparan famillyancuna mirananpaj. Chaynöpami Israelcunaga aypallamanna mirarcaycaran. Achca car mas munayniyojna caran.

Proverbios 1:18

Chay runacunami ichanga quiquin mana alliman chayanallanpaj llapantapis camariycan. Quiquillanmi wañuytapis ashircaycan.

Proverbios 10:16

Alli runapaga allita rurashanpitami alli caway pägun. Fiyu runapami ichanga juchayoj cashanpita wañuylla pägun.

Proverbios 22:8

Fiyu runaga juchata rurashanpitami ñacanga. Chay-niraj runataga Tayta Diosmi castigar ushacächenga.

Proverbios 5:22

Juchasapacunataga quiquin mana allita rurashancunallami tunichenga. Chaychica juchata aparicushanmi chariranga.

Eclesiastés 10:8

Pipis uchcuta uchcoj cäga chaymanmi yaganga. Pipis curral pergata ojtej cajtaga culebrami cañenga.

Oseas 10:2

Israelga ishcay shongumi. Cananmi ichanga llapan juchanpita castigasha canga. Tayta Diosmi capillancunata juchurgärachenga. Rispitädu ïduluncunatapis sajtargärenga.

Juan 4:36

Runacunata shuntananpäga Tayta Dios maynami runacunata camarisha. Chaynöpami shuntashan runacunaga mana ushacaj cawayta tarenga. Chaura murojpis cosëchata shuntajpis iwal cushiconga.

Efesios 4:22

Chaymi juchata rurar ñaupata cawashayquinöga amana cawaynachu. Llutan yarpayniqui engañashushayquita cachaycuy.

Santiago 3:18

Chayno pï-maywanpis alli goyarga Tayta Dios munashannömi cawan. Chaura waquin runacunapis paywan allimi goyanga.