Proverbios 11:11 - Tayta Diosninchi Isquirbichishan

¹¹ Alli runacuna bindisyunta goptenga marca jatunyanmi. Fiyu runacunapa shiminwanmi ichanga marca ushacan.

Proverbios 11:11 ပူးပေါင်းရင်းမြစ်များ

Génesis 45:8

Caymanga manami gamcunachu cachamashcanqui. Diosmi nogataga cachamasha mandaj faraonta yanapänäpaj, faraonwan iwal Egipto runacunata mandanäpaj.

2 Samuel 20:1

Benjamín casta Bicripa wamran Seba fiyu runa caran. Pay caycaran Gilgalcho. Sebaga runacunata shimita goran Davidta chiquicarcärinanpaj. Shimita gor niran: «¡Isaïpa wamran Davidpa cajmanga ama imamanpis jaticäshunchu! ¡Israelcunaga marcanchïman-cama aywacushun!»

Job 22:30

Mana allita mana rurasha captiquega juchaynaj captiquega Tayta Dios salbashunquipämi.»

Proverbios 11:10

Alli runacuna alliman chayaptenga marca intërumi cushicun. Fiyu runacuna mana alliman chayaptinpis marca intërumi cushicuywan pinticachan.

Proverbios 11:12

Mana tantiyacojcunaga rejsinacushanpa washantami riman. Tantiyaj runami ichanga upälla cacun.

Proverbios 14:34

Nasyunta mandaj runa Tayta Diosta rispitar mandaptenga runacuna cushishami cawan. Jucha rurayllacho goyarmi ichanga nasyunninta pengayman churan.

Proverbios 28:2

Juc nasyuncho mana alli goyayllana captenga mandajcunapis achcami yurin. Alli yachaj yarpaysapa mandajmi ichanga llapanta alli mandan. Chauraga runacunapis allilla goyan.

Proverbios 29:8

Shimisapacunaga llapan runatami rimanacachin. Yachajcunami ichanga imanöpapis llapanta gasacächin.

Eclesiastés 9:15

Ichanga chay siudächo tiyaran juc pobri runa sumaj musyaj-yachaj. Chay runami musyaj-yachaj cayninwan chay siudäta salbaran. Ichanga chay runata pipis mana yarparannachu.

Santiago 3:6

Shiminchïpis shanshanömi caycan. Juchaman chayachimänanchïpäpis munayniyojmi. Quiquinchïtapis usharamashwanmi. Chay ninata noganchïcho ratarachëga caycan dyablumi.