Proverbios 10:4 - Tayta Diosninchi Isquirbichishan

⁴ Mana arucojcunaga imaypis muchupacayllachömi. Alli arojcunapami ichanga ima-aycanpis mana pishinchu.

Proverbios 10:4 ပူးပေါင်းရင်းမြစ်များ

Génesis 26:32

Chay junajlla Isaacpa uywaynincuna chayamuran willacoj «Pösuta uchcurcaycashächo yacuta tarishcä» nir.

Proverbios 10:5

Alli tantiyacoj runacunaga usya wichanmi micuyninta shuntapacun. Cosëcha wichan puñucuymi ichanga fiyupa pengay.

Proverbios 11:24

Pitapis macyaycöga imallatapis mas-mastami tarin. Pitapis mana macyaycoj cajcunami ichanga muchupacayman chayan.

Proverbios 12:24

Aroj runacunaga munayniyojmi canga. Guellacunami ichanga jucpa-jucpa munaynillancho canga.

Proverbios 12:27

Guella runaga jirca animalta charishanta micunallanpäpis manami camarinchu. Bïbu runami ichanga ima-aycatapis aypallata taririn.

Proverbios 13:4

Guellacunaga may-jina imata munaparpis manami tarinchu. Bïbu runami ichanga ima-aycatapis munashanta tarin.

Proverbios 18:9

Guella runacunawan fiyu runacunaga chay wauguimannöllami tincun.

Proverbios 19:15

Guellaga guellanaywanmi puñuyllacho cacun. Chaymi guella runaga imaypis yargayllacho canga.

Proverbios 19:24

Guella runaga lätun churapacusha caycarpis manami ni micunallanpäpis chagarcunchu.

Proverbios 20:13

Puñuyllataga ama aruychu. Puñuyllacho cacorga pobriyanquipämi. Arucuptiqui ruracuptiquega micuyniquipis manami pishengachu.

Proverbios 20:4

Murupacuy wichanpis guella runaga manami yapyapacunchu, ni murupacunchu. Chaymi cosëcha wichanpis ashipacushpan imatapis mana tarengachu.

Proverbios 21:5

Sumaj yarpachacurcur rurashanga llapanpis allimi llojshin. Mana yarpachacuypa rätu rurarejcunapami ichanga mana alli llojshin.

Eclesiastés 10:18

Guella runapaga wasinpa jananpis ushacanmi. Imatapis mana arojpa mana ruracojpaga wasinpis tuninmi.

Juan 6:27

Micunallayquipäga ama yarpachacuychu. Chaypa ruquenga yarpachacuy imaycamapis cawanayquipaj caj micuyta tarinayquipaj. Chayno cawachicoj micuytaga noga Destinädu Runami tarichishayqui. Chaypämi nogataga Taytä cachamasha.»

1 Corintios 15:58

Chayno caycaptenga, cuyashä ermänucuna, mana uticaypa Tayta Jesucristuman yäracuy y mana yamacaypa paypa alli willacuyninta willacuy. Gamcuna musyashayquinöpis Tayta Jesucristuta sirbishanchëga manami manacajllapächu caycan.