Proverbios 10:29 - Tayta Diosninchi Isquirbichishan

²⁹ Alli runacunataga imapitapis Tayta Diosmi chapan. Llutanta rurajcunatami ichanga illgächin.

Proverbios 10:29 ပူးပေါင်းရင်းမြစ်များ

Job 31:3

Fiyu runacunatami disigrasya chayan. Juchasapacunatami mana alli goyay chayan.

Salmos 1:6

Juchaynajcunataga alli nänipa pushar Tayta Diosmi alli cawayman chayachin. Fiyu runacunatami ichanga quiquin purishan nänicho usharenga.

Salmos 36:12

Masqui ricay chay fiyu runacunata. Cananga mana allimanmi chayasha carcaycan. Chaypitaga mananami llojshenganachu.

Salmos 37:20

Fiyucunaga ushajpämi illgangapaj. Tayta Diosta chiquejcunaga gaushusha jachanömi rupanga. Goshtaynömi illgacäconga.

Salmos 84:7

Sercaynin-tupumi callpanpis yapacanga. Tayta Dios Sionchönami quiquiquita ricashunquipaj.

Salmos 92:7

Fiyucuna guewano mirashpanpis, llapan mana allita rurashancuna alli llojshipaptinpis paycunaga carcaycan para-simri illgänallanpämi.

Proverbios 11:7

Fiyu runa wañuptenga imapaj yarpashanpis illgangami.

Proverbios 13:6

Alli runataga allita rurashancunami mana allipitapis chapan. Jucha rurajcunatami ichanga mana allita rurashancuna illgächin.

Proverbios 21:15

Alli cajta rurar alli arreglaptin alli runacunaga cushicunmi. Mana allita ruraj juchayojcunami ichanga mana alliman chayan.

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Oseas 14:9

Yachaj cajcunaga, yarpaysapa cajcunaga cay willacuyta tantiyachun. Tayta Diospa caminunga derëchumi. Alli runacunaga chaypami purin. Juchasapacunami ichanga chay caminucho tacacan.

Zacarías 10:12

Acrashäcunataga nogami callpayojyächishaj. Nircorga nogaman yäracamushpannami aywanga. Noga Tayta Diosmi chayno në.»

Filipenses 4:13

Jesucristo yanapämaptinmi llapanchöpis alli llogshë.