Proverbios 10:25 - Tayta Diosninchi Isquirbichishan

²⁵ Löcu wayra imatapis apacushannömi fiyu runaga illgan. Alli runami ichanga imaycamapis caycanga.

Proverbios 10:25 ပူးပေါင်းရင်းမြစ်များ

Job 17:9

Quiquincunaga ‹juchaynajmi cä› nircaycanmi; ‹ima mana allitapis manami rurashcächu› nircaycanmi.

Job 20:8

Chacaypa ricapacushannömi, suyñuynincho ricashannöllami illgangapaj. Chauraga pipis manami tarengapänachu chay runataga.

Job 21:18

¿Imayllaga paycunata shucucuy wayra ogshata apajno machiypa machishachuraj?

Salmos 125:1

Tayta Diosman yäracojcunaga Sión lömanömi carcaycan. Sión lömataga manami pipis cuyuchinchu. Imay-yajpis chaynöllami caycan.

Salmos 15:5

guellayta ristaycurpis wawanta aypallanpa mana mañajcunallami, juchaynajta jitapar castigananpaj pägaptinpis mana chasquejcunallami. Chayno alli cawajcunallami Tayta Diospa ñaupanman chayanga.

Salmos 58:10

Tayta Diosta wiyacojcunaga cushicongami chiquejcunata wañushata ricashpan. ¡Chaquincunatapis fiyucunapa yawarninwanrämi mayllanga!

Salmos 58:9

Cashatanöpis ruparachichun manaräpis cuentata gocuptin. Jachata achurishanno illgarachichun.

Proverbios 1:27

Manchacushayqui löcu tamyano, disigrasya illajpita löcu wayrano chayashuptiqui, ima ruraytapis mana camäpacur fiyupa llaquicuycaptiquimi cushipäshayquipaj.

Proverbios 10:30

Alli runataga manami imapis päsangachu. Fiyu runacunami ichanga jamaytapis mana tarengachu.

Proverbios 12:3

Llutanta rurajcunaga manami tacyangachu. Alli runacunami ichanga tacyanga.

Proverbios 12:7

Fiyucunaga mana alliman chayashallanchömi ushacan. Alli runacunapa wasinmi ichanga mana ushacanchu.

Isaías 40:24

Paycunaga carcaycan lanta-mallwata chayraj lantaycushanömi, chayraj allpaman sapichaycajnömi. Paycunaman Dios pücarcamuptenga wañuytar chaquicäcunmi. Ogshata löcu wayra apacushannöllami ushacäcunpis.

Mateo 16:18

Chaymi cananga gamta Pedro në. Jutiquega rumi ninanmi caycan. Chaymi cay rumi janancho inlisyäta jatarichishaj. Satanaspis ni dyablucunapis manami binsengachu.

Efesios 2:20

Chaynöpami gamcunaga Tayta Diosninchïpa inlisyannöna carcaycanqui. Apostulcuna, profëtacuna yachachishancunaga inlisyapa simintunnömi caycan. Jesucristunami inlisyapa isquïnancho puntu rumi caycajno caycan.

1 Timoteo 6:19

Chayno Tayta Diosninchïman yäracur allicunata rurarmi mana ushacaj cawayta tarenga. Cay pachachöpis alli goyangapaj.

2 Timoteo 2:19

Chaypis Tayta Diosninchïpa alli willacuynenga wasipaj simintuta alli jatarachishanömi caycan. Chaymi palabrancho cayno isquirbiraycan: «Yäracojcunataga Tayta Dios rejsinmi» nir. Yapaypis nin: «Tayta Diosman yäracojcunaga ama juchata rurachunnachu» nir.